ကချင်ပြည်နယ် ဖားကန့်မြို့နယ် ကာမိုင်းမြို့ဒေသအတွင်းရှိ ကျန်းမာရေးဦးစီးဌာနမှ အသက်(၂)နှစ် အောက်ကလေးငယ်များနှင့် ကိုယ်ဝန်ဆောင်မိခင်များအား ပုံမှန်ကာကွယ်ဆေးထိုး၊ ဆေးတိုက်ခြင်းလုပ်ငန်းများကို ဇူလိုင် ၆ ရက်မှစတင်၍ တိုက်နယ်ကျန်းမာရေးဌာနနှင့် မြို့မရပ်ကွက်အုပ်ချုပ်ရေးရုံးတို့၌ လမ်းညွှန်ချက်များနှင့်အညီ စနစ်တကျကာကွယ်ဆေးများ ထိုးနှံပေးခဲ့ကြောင်း သိရသည်။

စစ်ကိုင်းခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ဒေါ်ခင်ကြည်ဖောင်ဒေးရှင်းတို့ ပူးပေါင်း၍ ယနေ့ နံနက်ပိုင်းက စစ်ကိုင်းမြို့ပေါ် ရပ်ကွက်များရှိ ပြည်သူများအား ငလျင်ဘေးအသိပညာပေးစာစောင်များကို အခမဲ့ဖြန့်ဝေပေးခဲ့ကြကြောင်းသိရသည်။

စိုက်ပျိုးရေး ၊ မွေးမြူရေးနှင့် ဆည်မြောင်းဝန်ကြီးဌာန  မြောင်းမြမြို့နယ် ကျေးလက်ဒေသဖွံ့ဖြိုး တိုးတက်ရေး ဦးစီးဌာန၏ ၂၀၁၉-၂၀၂၀ ဘဏ္ဍာရေးနှစ် ၊ အခြေခံစက်ချုပ်သင်တန်းဆင်းပွဲ ကို  မြောင်းမြမြို့နယ် ၊ မြို့ဟောင်းကျေးရွာ ဘုန်းတော်ကြီးကျောင်း ဓမ္မာရုံ၌ ယမန်နေ့ မွန်းလွဲ ၂  နာရီက ကျင်းပသည်။

ရှမ်းပြည်နယ်(မြောက်ပိုင်း)၊ ကွတ်ခိုင်မြို့နယ်၊ ယုံမောကျေးရွာအုပ်စုအတွင်းရှိ လျှပ်စစ်မီးရရှိရန် ခက်ခဲသော ကျေးရွာ(၁၂)ရွာသို့ နယ်စပ်ရေးရာဝန်ကြီးဌာန၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာနမှ (500-w) အိမ်သုံးဆိုလာမီး အစုံ(၁၉၀)ကို ယနေ့ နံနက်ပိုင်းက ကွတ်ခိုင်မြို့ မြို့နယ်ဖွံ့ဖြိုးမှု ကြီးကြပ်ရေးမှူးရုံး၌ တာဝန်ရှိသူများက ပေးအပ်သည်။