မကွေးတိုင်းဒေသကြီး သရက်ခရိုင် မင်းလှမြို့နယ်တွင် ယနေ့ နံနက် ၆ နာရီခွဲက မိုးသည်းထန်စွာ ရွာသွန်းမှုကြောင့် လင်းကယ်ကျေးရွာအဝင်တွင် ကျေးလက်လမ်းဦးစီးဌာနမှ တာဝန်ယူ ဆောက်လုပ်ထားသော တညောင်ချောင်း ရေကျော်၌ ချောင်းရေကျပြီး သစ်ကိုင်းခြောက်များ မျောပါလာကာ ချောင်းရေကျော်ပေါ်တွင် စိုက်ထားသော လမ်းဘေးဝဲယာရှိ ကွန်ကရစ်တိုင် ၄၁ တိုင် ပျက်စီးမှုဖြစ်ပွားခဲ့ကြောင်း သိရသည်။

ပဲခူးတိုင်းဒေသကြီး သာယာတီခရိုင် လက်ပံတန်းမြို့နယ်တွင် မြို့နယ်အထွေထွေ အုပ်ချုပ်ရေးဦးစီးဌာနရုံး၌ ယမန်နေ့က မြို့နယ်အတွင်းရှိ အသက် ၈၅ နှစ်နှင့်အထက် အဘိုးအဘွားများအား လူမှုရေးပင်စင် အကျိုးခံစားခွင့် သုံးလစာနှင့် ကိုဗစ်-၁၉ ကာလ ထပ်ဆောင်းထောက်ပံ့ငွေ ပေးအပ်ပွဲကျင်းပခဲ့ကြောင်း သိရသည်။

ရန်ကုန်တိုင်းဒေသကြီး မြောက်ပိုင်းခရိုင် လှိုင်သာယာ(အနောက်ပိုင်း)မြို့နယ်၌ အသက် ၈၅ နှစ်နှင့် အထက် ဘိုးဘွားများအား နိုင်ငံတော်မှပေးအပ်သည့် လူမှုရေးပင်စင်နှင့် ကိုဗစ်−၁၉ ရောဂါ ဖြစ်ပွားနေသည့် ကာလအတွင်း ထပ်ဆောင်းထောက်ပံ့ငွေများကို ဇွန် ၂၂ ရက် မွန်းလွဲပိုင်းက လှိုင်သာယာမြို့နယ် အမျိုးသားလွှတ်တော်ကိုယ်စားလှယ် ဦးအေးဗိုလ်၊ အမှတ်(၂) တိုင်းဒေသကြီးလွှတ်တော်ကိုယ်စားလှယ် ဦးမြတ်မင်းသူနှင့် တာဝန်ရှိသူများက အမှတ်(၉)ရပ်ကွက်ရှိ သက်ကြီးဘိုးဘွား တစ်ဦးချင်းအလိုက် အိမ်တိုင်ရာရောက် လိုက်လံပေးအပ်ခဲ့သည်။

ကိုဗစ်-၁၉ ရောဂါ ကာလအတွင်း လက်ဖက်စိုက်ပျိုး ထုတ်လုပ်သူများအား လက်ဖက်လုပ်ငန်း အရှိန်အဟုန်မပျက် ထုတ်လုပ်နိုင်ရေးအတွက် လက်ဖက်စိုက်ပျိုးစရိတ်ချေးငွေများ ထုတ်ချေးပေးခြင်းကို ရှမ်းပြည်နယ် (တောင်ပိုင်း) ပအိုဝ်းကိုယ်ပိုင်အုပ်ချုပ်ခွင့်ရဒေသ ပင်လောင်းမြို့နယ်အတွင်း လက်ဖက် စိုက်ပျိုးထုတ်လုပ်သည့် တောင်သူများအား ဇွန် ၁၅ ရက်မှ ယနေ့အထိ နန်းဟူးဘုန်းတော်ကြီး ကျောင်းတွင် စိုက်ပျိုးစရိတ်ချေးငွေများ ထုတ်ပေးခဲ့ကြောင်း သိရ

မိဘနှစ်ပါးဖြစ်သည့် ဦးအော်က၊ ဒေါ်ကြည်တို့အား ရည်စူး၍ ဟိုတယ်နှင့် ဆေးရုံလုပ်ငန်းများ လုပ်ကိုင်သည့် ပသာဒမိသားစုက မကွေးတိုင်းဒေသကြီး ရောင်စုံမေတ္တာ လူမှုကူညီရေးအသင်းအတွက် Alphard အမျိုးအစား လူနာတင်ယာဉ်တစ်စီးကို ယနေ့ နံနက်ပိုင်းက လှူဒါန်းခဲ့ကြောင်း သိရသည်။