မွန်ပြည်နယ် ချောင်းဆုံမြို့နယ်တွင် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ မြို့နယ် သစ်တောဦးစီးဌာနနှင့် လွှတ်တော်ကိုယ်စားလှယ်တို့ ပူးပေါင်းပြီး နယ်စပ်ဖြတ်ကျော် မီးခိုးမြူငွေ့၊ တောမီးနှင့် အခြားမီးလောင်ကျွမ်းမှုများ ကာကွယ်ထိန်းချုပ်နိုင်ရေး အသိပညာပေးဟောပြောပွဲကို ယနေ့ နံနက်  ၁၀ နာရီက ကွမ်သဲကျေးရွာတွင် ပြုလုပ်ခဲ့သည်။

ဧရာဝတီတိုင်းဒေသကြီး ဒေးဒရဲမြို့၌ ဈေးကွက်အတွင်း ရောင်းချလျက်ရှိသည့် ဟင်းခတ်အချိုမှုန့်ထုပ်များတွင် အလေးချိန်ဖော်ပြချက်နှင့် ပါဝင်မှုအလေးချိန် ကိုက်ညီမှုရှိ/မရှိ ကွင်းဆင်းစစ်ဆေးခြင်းကို ယမန်နေ့နံနက်ပိုင်းက မြို့မဈေးအတွင်း စစ်ဆေးခဲ့သည်။

ပဲခူးတိုင်းဒေသကြီး ကြို့ပင်ကောက်မြို့ မြို့မစည်ပင်သာယာဈေး မီးဘေးလုံခြုံရေးအတွက် ကြိုတင်ဇာတ်တိုက်လေ့ကျင့်ခြင်းကို ယမန်နေ့ မွန်းလွဲ ၃ နာရီက မြို့နယ် မီးသတ်ဦးစီးဌာနမှ ဦးဆောင်၍ ဆောင်ရွက်ခဲ့သည်။

စစ်ကိုင်းတိုင်းဒေသကြီး ကန့်ဘလူမြို့နယ်အတွင်းရှိ တီဘီဝေဒနာရှင်များအား ရှာဖွေကုသပေးခြင်းကို ယနေ့ နံနက် ၉ နာရီက လိတ္ထူကျေးရွာ အခြေခံပညာအလယ်တန်းကျောင်း၌ အခမဲ့ ပြုလုပ်ပေးခဲ့ကြောင်း မြို့နယ် ပြည်သူ့ကျန်းမာရေးဦးစီးဌာနမှ သိရသည်။

ရန်ကုန်တိုင်းဒေသကြီး မြောက်ပိုင်းခရိုင် တိုက်ကြီးမြို့နယ် အဖျောက်မြို့ ငွေဉဒေါင်းခန်းမတွင်  ယနေ့ နံနက် ၁၀ နာရီက မြို့နယ်လူထုတွေ့ဆုံပွဲ အခမ်းအနားကို  ကျင်းပပြုလုပ်သည်။