ထိုင်းနိုင်ငံမှ မြန်မာရွှေ့ပြောင်းလုပ်သားများအား မြန်မာနိုင်ငံမှ မေလ ၁ ရက်နေ့မှစပြီး လက်ခံခဲ့ရာ ဇွန်လ ၅ ရက်နေ့တွင် မြဝတီ အမှတ်(၂)ချစ်ကြည်ရေးတံတားမှတစ်ဆင့် ပြန်လည်ဝင်ရောက်လာသူပေါင်း ၁၁၉၀ ရှိခဲ့ကြောင်း သိရသည်။

ကျန်းမာရေးနှင့် အားကစားဝန်ကြီးဌာန ရန်ကုန်တိုင်းဒေသကြီး ကုသရေးဦးစီးဌာန ရန်ကုန်ပြည်သူ့ဆေးရုံကြီး မှ  ၂၀၁၈-၂၀၁၉ ဘဏ္ဍာရေးနှစ်တွင် အကောင်အထည်ဖော် တည်ဆောက်သည့် ဒလမြို့နယ် ကျန်းမာရေးဝန်ထမ်း အိမ်ရာရပ်ကွက် နဝရတ်လမ်းနှင့် အင်ကြင်းလမ်းထောင့်ရှိ (၆)ခန်းတွဲ(၄)ထပ် ဝန်ထမ်းအိမ်ရာအသစ် တည်ဆောက် ခြင်းလုပ်ငန်းများ ပြီးစီး၍ ယနေ့ မွန်းလွဲ ၃ နာရီက လုပ်ငန်းအပ်နှံခြင်းကို အဆိုပါ ဝန်ထမ်းအိမ်ရာ အဆောက်အဦတွင် ပြုလုပ်ခဲ့သည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနသည် IDP စခန်းများ နှင့် တိုက်ပွဲရှောင်စခန်းများတွင် နေထိုင်ကြသည့် ပြည်တွင်းနေရပ်စွန့်ခွာသူများအား ကိုဗစ်-၁၉ ရောဂါကူးစက်ပြန့်ပွားခြင်းမှ ကာကွယ်၊ ထိန်းချုပ်၊ တုံ့ပြန်ရေးလုပ်ငန်းများကို သက်ဆိုင်ရာဌာန၊ အဖွဲ့အစည်းများနှင့်ပူးပေါင်း၍ အကောင်အထည်ဖော် ဆောင်ရွက်လျက်ရှိသည်။