မကွေးတိုင်းဒေသကြီး တောင်တွင်းကြီးမြို့နယ် သစ်တောဦးစီးဌာနအနေဖြင့် ပတ်၀န်းကျင် စိမ်းလန်းစိုပြေရေးကို အထောက်အပံ့ဖြစ်စေရန်၊ သဘာ၀ပတ်၀န်းကျင် ထိခိုက်ပျက်ဆီးမှု လျော့နည်းပပျောက်စေရန်၊ ပြည်သူလူထုအတွင်း သစ်တောသစ်ပင် ချစ်ခင်မြတ်နိုးစိတ်များ ဖြစ်ပေါ်လာစေရန်အတွက် မိုးရာသီစိုက်ပျိုးရန် ပျိုးပင်ပေါင်း ၈၆၀၄၀၀ အား ပျိုးထောင်ထားရှိကြောင်း မြို့နယ်သစ်တောဦးစီးဌာနမှ သိရသည်။

မကွေးတိုင်းဒေသကြီး တောင်တွင်းကြီးမြို့နယ် ကုက္ကိုခွကျေးရွာ၊ ဂျုတ်ကုန်းကျေးရွာနှင့် ရခိုင်စုကျေးရွာများတွင် ရိုးရာအိုးလုပ်ငန်းကို မိရိုးဖလာ အိမ်တွင်းစီးပွားရေးလုပ်ငန်းအဖြစ် သောက်ရေအိုး၊ ဘုရားပန်းအိုး၊ မြူအိုးနှင့် အိုးအမျိုးမျိုးကို  တစ်ပိုင်တစ်နိုင် လုပ်ကိုင်လျှက်ရှိရာ ယခုကာလတွင် အရောင်းအ၀ယ် အေးလျှက်ရှိကြောင်း သိရသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနသည် IDP စခန်းများနှင့် တိုက်ပွဲရှောင် စခန်းများတွင် နေထိုင်ကြသည့် ပြည်တွင်းနေရပ်စွန့်ခွာသူများအား ကိုဗစ်-၁၉ ရောဂါ ကူးစက်ပြန့်ပွားခြင်းမှ ကာကွယ်၊ ထိန်းချုပ်၊ တုံ့ပြန်ရေးလုပ်ငန်းများကို သက်ဆိုင်ရာဌာန၊ အဖွဲ့အစည်းများနှင့် ပူးပေါင်း၍ အကောင်အထည်ဖော် ဆောင်ရွက်လျက်ရှိသည်။

နမ္မတူမြို့နယ် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနရုံးမှ နမ္မတူမြို့နယ်ရှိ IDP စခန်း(၃)ခု၌ ကိုဗစ်-၁၉ ရောဂါ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေး အဝတ်နှာခေါင်းစည်းနှင့် Hand Gel များ ထောက်ပံ့ပေးအပ်ခြင်းကို ရှမ်းပြည်နယ် (‌‌မြောက်ပိုင်း)၊ ကျောက်မဲခရိုင်၊ နမ္မတူမြို့နယ်ရှိ ကြူဆော့ IDP စခန်း၊ ကချင် IDP စခန်းနှင့် လီဆူး IDP စခန်းတို့၌ ယနေ့နံနက် ၁၀ နာရီက ဆောင်ရွက်ခဲ့သည်။

(၁၇-၅-၂၀၂၀) ရက်နေ့၊ ည (၈:၀၀)နာရီ

 

မကွေးပညာရေးကောလိပ်တွင် Quarantine ထားရှိသော မလေးရှားမှ ပြန်လည်ဝင်ရောက်လာသည့် ၂၄ ဦးသည်  ကိုဗစ်-၁၉ ရောဂါ လူနာအမှတ် Case-182 နှင့် လေယာဉ်အတူစီးခဲ့ဖူးသဖြင့်  ကိုဗစ်-၁၉ ရောဂါပိုး ရှိ မရှိကို သိနိုင်ရန် မကွေးမြို့နယ် ပြည်သူ့ကျန်းမာရေး ဦးစီးဌာနမှူးနှင့် ကျန်းမာရေးဝန်ထမ်းများက ၎င်းတို့၏ နှာခေါင်းတို့ပတ်၊ အာခေါင်တို့ပတ်များ ရယူ၍ စစ်ဆေးဆောင်ရွက်နိုင်ရန် ယနေ့ နံနက်ပိုင်း က  ဆောင်ရွက်ခဲ့ကြောင်း သိရသည်။