ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့တွင် ကိုဗစ်-၁၉ ရောဂါကာကွယ်ထိန်းချုပ်ရေး ကာလအတွင်း ဝက်ဝမ်းကျ၊ ကြက်လည်လိမ် နှင့် ကြက်၊ ဘဲ ဝမ်းကျ ရောဂါကာကွယ်ဆေးများကို ဖျာပုံခရိုင် မွေးမြူရေးနှင့် ကုသရေး ဦးစီးဌာနမှ မေ ၃၀ မှ ဇွန် ၁၈ ထိ  ကွင်းဆင်းထိုးနှံပေးမည်ဖြစ်သည်။

ကရင်ပြည်နယ်၊ လှိုင်းဘွဲမြို့နယ်တွင် ကိုဗစ်-၁၉ ကာလအတွင်း ပြည်သူများ မိမိတို့ အိမ်ခြံအတွင်း တစ်ပိုင်တစ်နိုင် စိုက်ပျိုးစားသောက်နိုင်ရေးအတွက် မျိုးစေ့များ ဖြန့်ဝေခြင်းကို မေ (၁၆) ရက် နံနက်ပိုင်း စတင်ကာ စိုက်ပျိုးရေးဦးစီးဌာန ဝန်ထမ်းများက အိမ်တိုင်ရာရောက် လိုက်လံ ဖြန့်ဝေပေးခဲ့ကြောင်း သိရသည်။

ကမ္ဘာ့ကပ်ရောဂါ ကိုဗစ်-၁၉ ဖြစ်ပွားနေသည့်ကာလအတွင်း အသွားအလာ ကန့်သတ်ထားခြင်း၊ အဝင်အထွက် ပိတ်ပင်ထားခြင်း များကြောင့် ပြင်ဦးလွင်မြို့ရှိ  ရွှေစင်မင်း ပရဟိတ သီလရှင်စာသင်ကျောင်းသို့ နေ့စဉ်အလှူရှင်များ လာရောက်လှူဒန်းခြင်း မရှိဘဲ  နှစ်လနီးပါးမျှကြာမြင့်ခဲ့ပြီး ယခုအချိန်တွင် အလှူရှင်များ စတင်လှူဒါန်းလာကြပြီဖြစ်ကြောင်း တိုက်အုပ်ဆရာကြီး၏ ပြောပြချက်အရ  သိရသည်။

ရှမ်းပြည်နယ်(မြောက်ပိုင်း) မူဆယ်မြို့နယ်တွင် ယနေ့ ညနေပိုင်းတွင် မြန်မာ-တရုတ် ချစ်ကြည်ရေး မူဆယ်ရုံးခွဲနှင့် (၁၀၅)မိုင် ကြက်ခြေနီအဖွဲ့တို့ ပူးပေါင်းပြီး ကိုဗစ်-၁၉ ရောဂါနှင့် သွေးလွန်တုတ်ကွေးရောဂါ ကြိုတင်ကာကွယ် နိုင်ရန် ပိုးသတ်ဆေးများ ပက်ဖျန်းခဲ့ကြသည်။

မန္တလေးတိုင်းဒေသကြီး မြင်းမူမြို့နယ် စိုင်မြစ်ကျေးရွာရှိ မီးဘေးသင့် ကျေးရွာသူ ကျေးသားများအား စားဝတ်နေရေး အဆင်ပြေစေရန်အတွက် ဆန်၊ ဆီ၊ ဆား၊ ကြက်ဥ စသည့် စားသောက်ဖွယ်ရာများကို စစ်ကိုင်းမြို့ အနာဂတ်ရောင်ခြည် IBEC အသင်းမှ ယနေ့တွင် လာရောက်လှူဒါန်းသွားကြောင်း သိရသည်။

မန္တလေးတိုင်းဒေသကြီး ညောင်ဦးခရိုင် ငါ့သရောက်မြို့နယ်ရှိ ကျေးလက်တောင်သူများ မိုးကြိုအဖြစ် မြေပဲနှင့် နှမ်းများ ကြဲပက်စိုက်ပျိုးထားရာ မိုးမရွာသေးခြင်းကြောင့် အပင်ပေါက်ပြီးသား မြေပဲပင်ပေါက်များ ပျက်စီးခြင်းနှင့် နှမ်းများမပေါက်ခြင်း၊ ပေါက်ပြီးသားနှမ်းများ အပင်သေကုန်ကြောင်း ငါ့သရောက်မြို့ ကျေးလက်တောင်သူမျာထံမှ သိရသည်။