ကိုရီးယားနိုင်ငံမှ ပြန်လည်ရောက်ရှိလာသူ(၈၆)ဦးအား  Quarantine (၂၁)ရက် စောင့်ကြပ်ကြည့်ရှုရန် ဧပြီ ၃၀ ရက် ည ၁၀ နာရီ ၄၅ မိနစ်ခန့်က ရန်ကုန်မြောက်ပိုင်းခရိုင် လှည်းကူးမြို့နယ် ကျွန်းကလေး ကျေးရွာ ဓမ္မမာမက သာသနာ့ရိပ်သာကျောင်းတိုက်သို့ ပို့ဆောင်ထားရှိကြောင်း သိရသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနသည် IDP စခန်းများနှင့် တိုက်ပွဲရှောင်စခန်း များတွင် နေထိုင်ကြသည့် ပြည်တွင်း နေရပ်စွန့်ခွာသူများအား ကိုဗစ်-၁၉ ရောဂါကူးစက် ပြန့်ပွားခြင်းမှကာကွယ်၊ ထိန်းချုပ်၊ တုံ့ပြန်ရေးလုပ်ငန်းများကို သက်ဆိုင်ရာဌာန၊ အဖွဲ့အစည်းများနှင့် အကောင်အထည်ဖော် ဆောင်ရွက် လျက်ရှိသည်။

ရန်ကုန်မြို့တွင် ကိုဗစ်-၁၉ ရောဂါလူနာတွေ့ရှိသည့် နေရာများ၊ မီနီလော့ဒေါင်းချထားသည့် လမ်းများနှင့် လမ်းမကြီးများကို ယနေ့တွင် ပိုးသတ်ဆေးဖျန်းခြင်းကို စုပေါင်းဆောင်ရွက်ကြသည်။