နေပြည်တော် ၁ မေ

 

 

ယမန်နေ့ညနေပိုင်းက ကျိုက်မရောမြို့နယ်အတွင်းရှိ ဆင်းရဲချို့တဲ့သော အခြေခံလူတန်းစားများအတွက် မြန်မာနိုင်ငံ လူမှုကယ်ဆယ်ရေးအဖွဲ့ (ဗဟို) နာယက ရွှေမြင့်မိုရ်ဓမ္မနန္ဒီဆရာတော်မှ တစ်အိမ်ထောင်လျှင် ဆန် ၂ ပြည်၊ အုန်းနို့ ၂ ဘူး၊ ကြက်သွန်၊ ကော်ဖီမစ်၊ ဘီစကစ်၊ စားသောက်ဖွယ်ရာများနှင့် ရွှေမြင့်မိုရ်ကုမ္ပဏီမှ ဦးစိုးအောင်၊ မရွှေဇင်ထူး မိသားစုမှ တစ်အိမ်ထောင်လျင်ဆန် ၄ ပြည် ဆီ၊ ဆား၊ အာလူး၊ ကြက်သွန်၊ အချိုမုန့်၊ အသားတုစသည့် စားသောက်ကုန်များကို လှူဒါန်းခဲ့ကြောင်း သိရသည်။  

ထိုင်းနိုင်ငံမှ မြန်မာနိုင်ငံသို့ ပြန်လာရန်ရှိသည့် မြန်မာရွှေ့ပြောင်းလုပ်သားအချို့သည် ယနေ့ နံနက်ပိုင်းမှစ၍ မြန်မာ−ထိုင်း အမှတ် (၂) ချစ်ကြည်ရေးတံတားမှတစ်ဆင့် စတင်ဝင်ရောက်လာသည်။

စစ်ကိုင်းတိုင်းဒေသကြီးအတွင်း မြို့ပေါင်း ၅၀၊ ကျေးရွာပေါင်း ၅၉၉၂ ရွာရှိခဲ့ရာမှ ၂၀၁၆ ခုနှစ်တွင် မြို့ပေါင်း ၃၂ မြို့၊ ကျေးရွာပေါင်း ၁၃၄၇ ရွာတို့ကိုသာ လျှပ်စစ်ဓာတ်အား ဖြန့်ဖြူးပေးနိုင်ခဲ့သော်လည်း ယခုအခါ မြို့ပေါင်း ၃၆ မြို့၊ ကျေးရွာပေါင်း ၂၆၀၉ ရွာတို့အား လျှပ်စစ်ဓာတ်အား ဖြန့်ဖြူးပေးနိုင်ခဲ့ပြီ ဖြစ်သဖြင့် မြို့ ၄ မြို့နှင့် ကျေးရွာပေါင်း ၁၂၆၂ ရွာတို့ကို တိုးချဲ့ဖြန့်ဖြူးပေးနိုင်ခဲ့ပြီးဖြစ်ကြောင်း သိရသည်။