ကျောက်မဲခရိုင်၊ နောင်ချိုမြို့နယ်၌ သင်္ကနြ်ကာလအတွင်း ပုံမှန်ဝင်ငွေမရှိသော အခြေခံ လူတန်းစားများအား အခြေခံစားကုန်ပစ္စည်း(၅)မျိုးကို ဆက်လက်ပေးအပ်လျက်ရှိရာ ယမန်နေ့ မွန်းလွဲ ၁ နာရီက နောင်ချိုမြို့ပေါ်(၆)ရပ်ကွက်ရှိ နေ့စဉ်ပုံမှန်ဝင်ငွေမရှိသော အိမ်ထောင်စု (၆၂၆)စုထံသို့ အခြေခံစားကုန်ပစ္စည်း(၅)မျိုးဖြစ်သည့် ဆန်(၈)ပြည်၊ ဆီ(၅၀)ကျပ်သား၊ ကုလားပဲ(၁)ပိဿာ၊ ကြက်သွန်နီ(၁)ပိဿာ၊ ဆား(၅၀)ကျပ်သားတို့ကို ဌာနဆိုင်ရာများက အိမ်တိုင်ရာရောက် ပေးအပ်ခဲ့ကြောင်း သိရသည်။

နိုင်ငံတော်အစိုးရမှ ထောက်ပံ့ပေးအပ်သည့် အခြေခံစားသောက်ကုန်(၅)မျိုးကို တိုက်ကြီးမြို့နယ်အတွင်းရှိ ရပ်ကွက်(၂၀)ရပ်ကွက်၊ ကျေးရွာအုပ်စု(၁)အုပ်စုတို့ရှိ အိမ်ထောင်စု (၃၀၆၁)စုတို့အတွက် ဖြန်ဝေးပေးပြီးဖြစ်ကာ ကျန်ရှိသည့် ရပ်ကွက်၊ ကျေးရွာများကိုလည်း ဆက်လက် ထောက်ပံ့ပေးအပ်သွားမည်ဖြစ်ကြောင်း သိရသည်။

ရန်ကုန်တိုင်းဒေသကြီး ကော့မှူးမြို့နယ်တွင် နိုင်ငံတော်အစိုးရမှ ပုံမှန်ဝင်ငွေမရှိသည့် အခြေခံ လူတန်းစားအိမ်‌ ထောင်စုဝင်များအား ထောက်ပံ့ပေးသည့် စားသောက်ကုန်ငါးမျိုးဖြစ်သည့် ဆန်၊ ဆီ၊ ဆား၊ ပဲ၊ ကြက်သွန်နီများအား ယမန်နေ့ည‌နေပိုင်းက မြို့ပေါ်ရပ်ကွက်များနှင့် ကျေးရွာအုပ်စုရှိ အိမ်ထောင်စုဝင်များအား အိမ်တိုင်ရာရောက် လိုက်လံထောက်ပံ့ပေးနေကြောင်း သိရသည်။