ရှမ်းပြည်နယ်(တောင်ပိုင်း)၊ ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့ရှိ ရှေးဟောင်း သမိုင်းဝင် ရွှေဥမင်သဘာဝလိုဏ်ဂူတော်ဘုရား ဗုဒ္ဓပူဇနိယတပေါင်းပွဲတော်ကြီးအား လာမည့် မတ်လ ၄ ရက်နေ့မှ မတ်လ ၉ ရက်(တပေါင်းလဆန်း  ၁၁ ရက်မှ တပေါင်းလပြည့်ကျော် ၁ ရက် )နေ့အထိ (၆)ရက်တိုင်တိုင်စည်ကားသိုက်မြိုက်စွာ ကျင်းပပြုလုပ်သွားမည်ဖြစ်ကြောင်း သိရသည်။

ကနီမြို့နယ် အလောင်းတော်ကဿပအမျိုးသားဥယျာဉ်အတွင်းရှိ သပိတ်ဆေးစခန်းနှင့် အလောင်းတော်ကဿပ ရုပ်ကလပ်တော်တည်ရှိရာ ရင်ပြင်တော်တို့တွင် ဘုရားဖူးရာသီကာလ ဘုရားဖူးဧည့်သည်များ ဝင်ရောက်လေ့လာနိုင်ရန် အလောင်းတော်ကဿပအမျိုးသားဥယျာဉ်နှင့် ပတ်သက်သည့် အသိပညာပေးပြခန်း(၂)ခန်းအား ဖွင့်လှစ်ပြသထားကြောင်း အလောင်းတော်ကဿပ အမျိုးသားဥယျာဉ်ရုံးမှ ဦးစီးအရာရှိ ဦးအောင်မောင်း၏ ပြောပြချက်အရ သိရသည်။

ချင်းပြည်နယ်၊ မင်းတပ်ခရိုင်၊ ကန်ပက်လက်မြို့နယ် ခေါက်ပုံကျင်းကျေးရွာတွင် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန က အကောင်အထည်ဖော်ဆောင်ရွက်ပေးလျက်ရှိသော ကျေးရွာဖွံ့ဖြိုးရေး စီမံကိန်း (VDP)ထောက်ပံ့ရန်ပုံငွေ၊ လွှတ်တော်ရန် ပုံငွေ၊ ပြည်သူထည့်ဝင်ငွေများဖြင့် ခေါက်ပုံကျင်း ကျေးရွာကြိုးတံတား တည်ဆောက်ခြင်းလုပ်ငန်း  အကောင်အထည်ဖော် ဆောင်ရွက်လျက်ရှိရာ ၇၀ ရာခိုင်နှုန်း ဆောင်ရွက်ပြီးနေပြီဖြစ်ကြောင်း ကန်ပက်လက်မြို့နယ် ကျေးလက်ဒေသဖွံ့ဖြိုးတိုးတက် ရေးဦးစီးဌာနက သိရ

ကရင်ပြည်နယ် ကော့ကရိတ်ခရိုင် ကျိုက်ဒုံမြို့ဘုရားတောင်ကျေးရွာတောင်ပေါ်၌ ဒေသခံပြည်သူများ တည်ထားကိုကွယ်သော ရှေ့ဟောင်သမိုင်းဝင်နောင်တော်ကြီး၊ နောင်တော်လေးစေတီတော်မြတ် ဘက်စုံပြန်လည်ပြုပြင်မွမ်းမံခြင်းကို အထွေထွေအုပ်ချုပ်ရေး ဦးစီးဌာန၊ ကျိုက်ဒုံမြို့ အုပ်ချုပ်ရေး ဦးမင်းဇော်မှ ဦးဆောင်၍ စေတနာရှင်၊ အလှူရှင်းများက နောင်တော်ကြီး၊ နောင်တော်လေး စေတီတော်အား ဘက်စုံပြန်လည်ပြုပြင်မွမ်းမံခြင်းများကို ဖေဖော်ဝါရီ ၁၄ ရက် နံနက်ပိုင်းက စတင်၍ စတင်ဆောင်ရွက်လျက်ရှိသည်။

မန္တလေးတိုင်းဒေသကြီး၊ ကျောက်ပန်းတောင်းမြို့ အစိုးရစက်မှုလက်မှုသိပ္ပံကျောင်းတွင် Steel Structure အလုပ်ရုံ (၁)ထပ်အဆောက်အဦဆောက်လုပ်ရန်အတွက် ပန္နက်တင်ခြင်းမင်္ဂလာကို၊ ဖေဖော်ဝါရီ ၁၄ ရက်နေ့ နံနက် ၉ နာရီ ၉ မိနစ်က ပြုလုပ်ခဲ့ကြောင်း သိရသည်။

မကွေးတိုင်းဒေသကြီး မင်းဘူးခရိုင် စလင်းမြို့နယ် မကျီးစင်ကျေးရွာ၊ တောင်စဉ်ကျေးရွာ နှင့် စွယ်တည် (ရွာသစ်)ကျေးရွာသုံးရွာ၌ အဝီစိစက်ရေတွင်း တူးဖော်ပေးနိုင်ရေးအတွက် သန့်ရှင်းကောင်းမွန်သည့် မြေအောက်ရေ အောင်းလွှာတည်ရှိမည့်နေရာကို ယနေ့နံနက်ပိုင်းက GP Survey တိုင်းတာမှုများ ပြုလုပ်ခဲ့ကြောင်း စလင်းမြို့နယ်ကျေးလက်ဒေသဖွံ့ဖြိုးတိုးတက်ရေး  ဦးစီးဌာနမှ သိရ