တာချီလိတ်မြို့ မြန်မာ့အာမခံလုပ်ငန်းမှ မြန်မာ့အာမခံအကြောင်း သိကောင်းစရာ ဟောပြောဆွေးနွေးခြင်းကို ယနေ့ မွန်းလွဲ ၁ နာရီက ရှမ်းပြည်နယ်(အရှေ့ပိုင်း) တာချီလိတ်ခရိုင်၊ မိုင်းယုမြို့ အထွေထွေအုပ်ချုပ်ရေး ဦးစီးဌာနရုံး အစည်းအဝေးခန်းမ၌ ကျင်းပခဲ့သည်။

ရှမ်းပြည်နယ်(မြောက်ပိုင်း) မူဆယ်မြို့၌ ပြင်းထန်အဆုတ်ရောင်ရောဂါ ကိုရိုနာဗိုင်းရပ်စ် ကူးစက်ပြန့်ပွားမှု တားဆီးကာကွယ်ရန်အတွက် လူမှုရေးကူညီမှုအသင်းများမှ ခရီးသွားပြည်သူများအား နှာခေါင်းစည်းပေးဝေခြင်းနှင့် ပိုးသတ်လက်ဆေးရည်ဖြင့် လက်ဆေးခြင်းများကို ဆောင်ရွက်ခဲ့သည်။

မကွေးတိုင်းဒေသကြီး၊ ဆိပ်ဖြူမြို့နယ်တွင် တာဝန်ထမ်းဆောင်လျက်ရှိသော နိုင်ငံဝန်ထမ်းများအတွက် (၈)ခန်းတွဲ (၅)ထပ် ဝန်ထမ်းအိမ်ရာ ပန္နက်တင်အခမ်းအနားကို ယနေ့ နံနက် ၉ နာရီက အဆိုပါဝန်ထမ်းအိမ်ရာ မြေနေရာတွင် ပြုလုပ်ခဲ့သည်။

တရုတ်ပြည်သူ့သမ္မတနိုင်ငံ၊ ဝူဟန်မြို့မှ စတင်ဖြစ်ပွားသော (2019 Novel Coronavirus) ကြောင့် ဖြစ်ပွားသောရောဂါနှင့် ပတ်သက်၍ အသိပေးဆွေးနွေးဟောပြောပွဲကို သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ အင်ကြင်းခန်းမနှင့် သတ္တုရေးရာသီရိရတနာခန်းမတို့၌ ယနေ့ မွန်းလွဲပိုင်းက အသီးသီးပြုလုပ်သည်။

ပြည်ထောင်စုရှေ့နေချုပ် ဦးထွန်းထွန်းဦးသည် စင်ကာပူနိုင်ငံတရားသူကြီးချုပ် Mr. Sundaresh Menon၊ မြန်မာနိုင်ငံဆိုင်ရာ ဒိန်းမတ်နိုင်ငံသံအမတ်ကြီး Mr. John Nielsen နှင့် Max Planck and the Chubb Rule of Law Fund မှ Managing Director and Head of South and Aisa Operations, Mr. Johannes Krusemark-Camin တို့အား ယနေ့တွင် ပြည်ထောင်စုရှေ့နေချုပ်ရုံး ဧည့်ခန်းမ၌ သီးခြားစီလက်ခံတွေ့ဆုံသည်။

ကျန်းမာရေးနှင့် အားကစားဝန်ကြီးဌာန၊ အားကစားနှင့် ကာယပညာဦးစီးဌာနနှင့် မြန်မာနိုင်ငံ ဘောလုံးအဖွဲ့ချုပ်တို့ ပူးပေါင်းကျင်းပသည့် ၂၀၂၀ ပြည့်နှစ် တိုင်းဒေသကြီးနှင့် ပြည်နယ် U-21 (အမျိုးသား) ဘောလုံးပြိုင်ပွဲဗိုလ်လုပွဲနှင့် ဆုချီးမြှင့်ပွဲအခမ်းအနားကို