စစ်ကိုင်းတိုင်းဒေသကြီး၊ ကသာခရိုင်၊  ထီးချိုင့်မြို့နယ် မြတောင်ကျေးရွာအုပ်စု  ဖုန်ကုန်းလေးကျေးရွာ တွင်    ယမန်နေ့မွန်းလွဲ ၂  နာရီက သုတရသစာအုပ်စာစောင် လှူဒါန်းပွဲနှင့် ဂုဏ်ပြုမှတ်တမ်းလွှာ ပေးအပ်ပွဲကို ကျေးရွာ ရောင်ခြည်ဦး စာကြည့်တိုက်တွင် ကျင်းပပြုလုပ်ခဲ့သည်။

မြို့နယ်မိခင်နှင့် ကလေးစောင့်ရှောက်ရေးအသင်းမှ ကြီးမှူးကျင်းပသော လူကုန်ကူး၊ လူမှောင်ခို တားဆီးကာကွယ်ရေး အသိပညာပေးဟောပြောပွဲကို ယနေ့နံနက် ၉ နာရီခွဲက ရန်ကုန်အရှေ့ပိုင်းခရိုင်၊ ရန်ကင်း မြို့နယ်၊ အမှတ်(၁၁)ရပ်ကွက်၊ ဘူတာရုံလမ်းရှိ သုခိတာရာမ သီလရှင်ကျောင်း၌ကျင်းပခဲ့သည်။

မကွေးတိုင်းဒေသကြီး ပွင့်ဖြူမြို့နယ် ကျောင်းတော်ရာဘုရားတွင် ကျင်းပမည့် ရှင်အပါး ၅၀ဝ၀ ရှင်ပြု အလှူပွဲတွင် ပါဝင်ပါရမီဖြည့်မည့် ရေနံချောင်းမြို့နယ် ရပ်ကွက်နှင့်ကျေးရွာအုပ်စုများမှ ရှင်သာမဏေလောင်း အပါး ၂၀ဝ တို့သည် ယနေ့နံနက်ပိုင်းက မြို့နယ်အထွေထွေအုပ်ချုပ်ရေးဦးစီးဌာနစုရပ်မှ နံနက် ၈ နာရီက ရှင်သာမဏေ ကြို/ပို့မော်တော်ယာဉ်များဖြင့် စတင်ထွက်ခွာသွားကြောင်း သိရသည်။

မိတ္ထီလာမြို့နယ်၌ ယာဉ်စည်းကမ်းလမ်းစည်းကမ်းလိုက်နာပြီး အသက်အန္တရာယ်ကင်းဝေးစေရန် ဒီဇင်ဘာ ၂၁ ရက်နေ့ နံနက် ၉ နာရီ ခွဲ က  မိတ္ထီလာ-ကျောက်ပန်းတောင်းသွားကားလမ်း ဗိုလ်ချုပ်ကြေးရုပ်အနီးအတွင် မော်တော်ဆိုင်ကယ်စီးဦးထုပ်များ အခမဲ့ဖြန့်ဝေပေးခဲ့ကြောင်း သိရသည်။

ကိုယ်လက်လှုပ်ရှားအားကစား ကျန်းမာကြံ့ခိုင်စေရန်အတွက် ဒီဇင်ဘာအားကစားလ တတိယပတ် လူထုစုပေါင်း လမ်းလျှောက်ပွဲ၊ အားကစားပြိုင်ပွဲများနှင့် ဆုချီးမြှင့်ပွဲကို ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့တွင် ယနေ့ နံနက် ၅ နာရီခွဲက ကျင်းပခဲ့သည်။