ရှမ်းပြည်နယ်(မြောက်ပိုင်း) မိုးမိတ်ခရိုင် မိုးမိတ်မြို့နယ် အခြေခံပညာမူလတန်းလွန်ကျောင်းတွင် (၇၂)နှစ် မြောက်လွတ်လပ်ရေးနေ့အထိမ်းအမှတ်အကြို ကျောင်းတွင်းအားကစား ပြိုင်ပွဲများကို ဒီဇင်ဘာ၂၀ ရက်ကျင်းပခဲ့ရာ ကျောင်းအုပ်ဆရာမကြီး ဒေါ်မြတ်မြတ်ဌေးက ဒီဇင်ဘာ ဆောင်းနှင်းများရဲ့အောက်မှာ ကျောင်းသား/ကျောင်းသူလေးများ၏ စိတ်ဓာတ်များကိုရွှင် လန်း တက်ကြွစေပြီး စသင်နှစ် တစ်နှစ်တာမှာ ဘက်စုံထူးချွန်သော လူရည်ချွန်များထွက်ပေါ်လာစေရန်အတွက် ရည်ရွယ်၍ ကျင်းပပြုလုပ်ပေးရခြင်း ဖြစ်ပါတယ်ဟုပြောသည်။

စစ်ကိုင်းတိုင်းဒေသကြီး  ကသာခရိုင်  ပင်လည်ဘူးမြို့၌ ကျေးရွာများတွင် လုံလောက်သည့် သောက်သုံးရေများ ရရှိပြီး ရေများပြတ်လပ်မှုမရှိအောင် မြို့နယ်ကျေးလက်ဒေသ ဖွံ့ဖြိုး တိုးတက်ရေးဦးစီးဌာနမှ တာဝန်ရှိသူများ ကျေးရွာများသို့ ကွင်းဆင်းပြီး RWS MIS စနစ်ဖြင့် ရေပေးရေးဆိုင်ရာအချက် အလက်များ ကောက်ယူနေကြောင်း မြို့နယ်ကျေးလက်ဒေသဖွံ့ဖြိုး တိုးတက်ရေး ဦးစီးဌာနမှသိရသည်။

ကရင်ပြည်နယ်၊ ကော့ကရိတ်မြို့ စိုက်ပျိုးရေးဉီးစီးဌာနသည် SemiGreenhouse ဖြင့် ဟင်းသီးဟင်းရွက်များကို စိုက်ပျိုးခြင်း တောင်သူပညာပေး ကွင်းလက်တွေ့ပြသပွဲကို ယမန်နေ့မွန်းလွဲ ၁ နာရီချိန်က ကော့ကရိတ်မြို့ စံပြဥယျာဉ်ခြံ(ထူးဟဲစေးဟဲ)တွင် ကျင်းပပြုလုပ်ကြောင်းသိရသည်။

ရှမ်းပြည်နယ်(တောင်ပိုင်း)တောင်ကြီးခရိုင်၊ကလောမြို့နယ်တွင် နှစ်စဉ် အစဉ်အလာမပြတ် ကျင်းပ ပြုလုပ်သော အကြိမ် (၂၀) မြောက် မြို့လုံးကျွတ်သံဃာဒါန ဆွမ်းဆန်စိမ်းလောင်းလှူပွဲကို ဒီဇင်ဘာ ၁၉ ရက်နေ့ မွန်းတည့် ၁၂  နာရီက မြို့လယ်ဓမ္ဓာရုံ၌ စည်ကာသိုက်မြိုက်စွာ ကျင်းပပြုလုပ်ခဲ့သည်။

ဧရာဝတီတိုင်းဒေသကြီး၊ ပုသိမ်ခရိုင်၊ ကျောင်းကုန်းမြို့တွင် ကလေးစာပေပွဲတော် ကျင်းပမည့် အမှတ်(၁)အခြေခံပညာ အထက်တန်းကျောင်း၌ယမန်နေ့ မွန်းလွဲ ၂ နာရီအချိန်က ကြိုတင်ပြင်ဆင်မှုများ ပြုလုပ်ဆောင်ရွက်ခဲ့သည်။