စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဒေါက်တာမြင့်နိုင်သည် တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်း၊ခရိုင်၊မြို့နယ်အဆင့် ဌာနဆိုင်ရာတာဝန်ရှိသူများနှင့်အတူ အောက်တိုဘာ ၅ ရက်၊ နံနက်(၉)နာရီက မုံရွာမြို့ မြို့တော်ခန်းမ၌ ကျင်းပပြုလုပ်သော ၂၀၁၉ ခုနှစ်၊ ကမ္ဘာ့ဆရာများနေ့ WORLD TEACHERS' DAY အထိမ်းအမှတ်အခမ်းအနားသို့ တက်ရောက်ခဲ့ကြသည်။

တနင်္သာရီတိုင်းဒေသကြီး၊  ထားဝယ်မြို့ ၊  အစားအသောက်နှင့်ဆေးဝါးကြီးကြပ်ကွပ်ကဲရေး အဖွဲ့ဝင်များသည် အစားအသောက်နှင့် ဆေးဝါးကွပ်ကဲရေးဦးစီး ဌာနမှတားမြစ်ထားသော ဓာတုပစ္စည်းများ ပါဝင်သည့် အစားအသောက် များ ၊ အလှကုန်ပစ္စည်းများအား ဈေးကွက် အတွင်းဖြန့်ဖြူးရောင်းချ ခြင်းမရှိစေရန်နှင့် အများပြည်သူ ဘေးအန္တရာယ် ကင်းရှင်းစွာ ဝယ်ယူသုံးစွဲနိုင်ရန်အတွက် အောက်တိုဘာ ၄ ရက် နံနက်ပိုင်း က ဆန်းချီဈေးအတွင်းရှိစားသောက်ကုန် များ၊ ဆေးဝါးပစ္စည်းများနှင့် အလှကုန်ပစ္စည်းများအား ကြည့်ရှုစစ်ဆေးခဲ့သည်။

စစ်ကိုင်းတိုင်းဒေသကြီး ကန့်ဘလူမြို့နယ်တွင် မြို့နယ်ပညာရေးမှူးရုံးကကြီးမှူး၍ ကမ္ဘာ့ဆရာများနေ့ အထိမ်းအမှတ်အခမ်းအနားနှင့် ကန့်ဘလူမြို့နယ်ပညာရေးဌာနတွင် တာဝန်ထမ်းဆောင်ခဲ့သည့် အငြိမ်းစား ပညာရေးမှူး ဆရာကြီး ဆရာမကြီးများနှင့်အခြေခံပညာ ထက်၊လယ်၊မူလတန်းအဆင့် သက်ပြည့်အငြိမ်းစား ဆရာကြီး ဆရာမကြီးများ ပူဇော်ပွဲကို အောက်တိုဘာ ၅ ရက်နံနက် ၉ နာရီခွဲက ကန့်ဘလူမြို့ အမှတ်(၁)အခြေခံပညာအထက်တန်းကျောင်း၌ ကျင်းပသည်။

ရခိုင်ပြည်နယ်၊ မြောက်ဦးခရိုင်၊ မြောက်ဦးမြို့တွင် ရှေးဟောင်းသုသေသနနှင့် အမျိုးသားပြ တိုက်ဦးစီးဌာနမှ ဝန်ထမ်းများသည် ယမန်နေ့ နံနက် ၇ နာရီက သမိုင်းဝင်ရှေးဟောင်းလက်ဆည် ကန်တံတိုင်းနှင့် အနီးနားပတ်ဝန်းကျင်အား သန့်ရှင်းသာယာလှပရေးအတွက် ကွင်းဆင်းဆောင် ရွက်ကြောင်း သိရသည်။ 

ပဲခူးတိုင်းဒေသကြီး ကြို့ပင်ကောက်မြို့နယ်၌ ၂၀၁၈ ခုနှစ်မိုးရာသီက ရေကြီးနစ်မြုပ်ပျက်စီးခဲ့သည့် လယ်ဧကများအတွက်  တောင်သူများအားထောက်ပံ့ငွေပေးအပ်ပွဲ အခမ်းအနားကို အောက်တိုဘာလ ၄ ရက် နံနက် ၉ နာရီခွဲအချိန်က မြို့နယ်အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင်ကျင်းပပြုလုပ်ခဲ့သည်။