မန္တလေးတိုင်းဒေသကြီး၊ ပြင်ဦးလွင်မြို့တွင် လိုင်စင်မဲ့ မော်တော်ယာဉ်များအား စက်တင်ဘာ ၂၃ ရက်မှ စတင်၍ တာဝန်ရှိ ရဲတပ်ဖွဲ့ဝင်များ ပူးပေါင်း၍ ရပ်ကွက်ကြီး (၁)၊ မန္တလေး-လားရှိုးလမ်းမ၊ တပ်မတော် နည်းပညာတက္ကသိုလ်  ဂိတ်(၂) ရှေ့တွင်  လိုင်စင်မဲ့ မော်တော်ယာဉ်များအား စစ်ဆေးဆောင်ရွက်ခဲ့သည်။ 

ဝါးလက်မှု အခြေခံသင်တန်းဖွင့်ပွဲကို စက်တင်ဘာ နံနက်ပိုင်းတွင် ကလောမြို့နယ် ပတ္တူပေါက်ကျေးရွာ၌ ဖွင့်လှစ်ခဲ့ကြောင်း သိရသည်။

ဟိုတယ်နှင့် ခရီးသွားလာရေးဝန်ကြီးဌာနမှ မန္တလေးတိုင်းဒေသကြီးအတွင်းသို့ တိုးတက်များပြားစွာ ဝင်ရောက်လာကြသည့် အရှေ့တိုင်း ခရီးသွားများအတွက် လုံလောက်သော ဝန်ဆောင်မှုကောင်းများ ပေးနိုင်စေရန်နှင့် ခရီးသွားကဏ္ဍမှ အလုပ်အကိုင် အခွင့်အလမ်းများ ရရှိနိုင်စေရန် ရည်ရွယ်၍ တရုတ်၊ ဂျပန်နှင့် ကိုရီးယား ဒေသဆိုင်ရာ (အခြေခံ) ဧည့်လမ်းညွှန် သင်တန်းများကို လာမည့် အောက်တိုဘာလအတွင်း ဖွင့်လှစ်သင်ကြားပေးသွားမည်ဖြစ်ကြောင်း မန္တလေးတိုင်းဒေသကြီး ဟိုတယ်နှင့် ခရီးသွားညွှန်ကြားမှုဦးစီးဌာနမှ သိရသည်။

ငလျင်ဘေးဆိုင်ရာ  ဇာတ်တိုက်လေ့ကျင့်မှု သရုပ်ပြပွဲကို စက်တင်ဘာ ၂၃ ရက် မွန်းလွဲပိုင်းက စစ်ကိုင်းမြို့ ရွှေမင်းဝံရပ်ကွက်ရှိ စစ်ကိုင်းပညာရေးတက္ကသိုလ် လေ့ကျင့်ရေး အထက်တန်းကျောင်းတွင် ပြုလုပ်ခဲ့ကြောင်း သိရသည်။

ပဲခူးတိုင်းဒေသကြီး ကျောက်တံခါးမြို့နယ်၌ လေပြင်းတိုက်ခတ်မှုဒဏ် ခံခဲ့ရသော ဘုန်းကြီးကျောင်းနှင့် လူနေအိမ်များအတွက် ထောက်ပံ့ငွေနှင့် ထောက်ပံ့ပစ္စည်းများ ပေးအပ်ပွဲကို ယနေ့ နံနက် ၁၀ နာရီက အထွေထွေ အုပ်ချုပ်ရေးဦးစီးဌာန အစည်းအဝေးခန်းမ၌ ပြုလုပ်ခဲ့သည်။