စလိုဗေးနီးယားနိုင်ငံမှာ ကိုရိုနာဗိုင်းရပ်စ်ပိုး ကူးစက်မှုများလာတဲ့အတွက် ဒီနေ့(စနေနေ့) နံနက်ပိုင်း က စပြီး အများသုံး ယာဉ်တွေ ပြေးဆွဲမှုကို သီတင်းနှစ်ပတ်ရပ်ဆိုင်းကြောင်း သိရပါတယ်။

အီတလီနိုင်ငံတောင်ပိုင်းရှိ နေဘဲလ်စ်မှာ ကိုရိုနာဗိုင်းရပ်စ်ကူးစက်မှု များလာတဲ့အတွက် ဆေးရုံမှာ နေရာအကန့်အသတ် ဖြစ်လာသောကြောင့်  ပိုးတွေ့လူနာတွေအား မိမိတို့ကားထဲမှာပဲ နေထိုင်စေပြီး ကုသပေးခြင်းတွေကို သောကြာနေ့က လုပ်ဆောင်ခဲ့ရကြောင်း သိရပါတယ်။

နိုက်ဂျီးရီးယားနိုင်ငံမှာ အဆုတ်ရောင်ရောဂါကြောင့် နှစ်စဉ် အသက် ၅ နှစ်အောက် ကလေးငယ် ၁၄၀,၀၀၀ ဦး သေဆုံးကြောင်း အစိုးရက ကြာသပတေးနေ့က ထုတ်ပြန်ကြေညာလိုက်ပါတယ်။

အမေရိကန်သမ္မတ ဒေါ်နယ်ထရမ့်၊ ရွေးကောက်ခံသမ္မတ ဂျိုးဘိုင်ဒန်နဲ့ အိမ်ဖြူတော် လုံခြုံရေး တာဝန်ယူထားတဲ့ အမေရိကန်လျှို့ဝှက်တပ်ဖွဲ့ဝင် (US Secret Service) မှာ ကိုရိုနာဗိုင်းရပ်စ်ပိုး တွေ့ရှိကြောင်း အမေရိကန်နိုင်ငံက သတင်းဌာနတွေက သောကြာနေ့မှာ ထုတ်ပြန်လိုက်ပါတယ်။

ဒီနေ့နံနက် ယှဉ်ပြိုင်ခဲ့တဲ့ ယူရို ၂၀၂၀ပြိုင်ပွဲဝင်ခွင့်အတွက်  ပြန်ကန်ပွဲစဉ် (Play-Offs ) တွေ ယှဉ်ပြိုင်ရာမှာ မြောက်မက်ဆီဒိုးနီးယားက ဂျော်ဂျီယာကို တစ်ဂိုး-ဂိုးမရှိ၊  ဟန်ဂေရီက  အိုက်စလန်အသင်းကို နှစ်ဂိုး-တစ်ဂိုး၊    ဆလိုဗက်ကီးယားက မြောက်အိုင်ယာလန်ကို နှစ်ဂိုး-တစ်ဂိုးနဲ့ စကော့တလန်က ဆားဘီးယားကိုပင်နယ်တီ အဆုံးအဖြတ်နဲ့ အနိုင်ယူပြီး ယူရို ၂၀၂၀ပြိုင်ပွဲဆီ ဝင်ရောက်ခွင့် ရခဲ့ကြ