ခုတလော အပြင်လည်း သိပ်မထွက်ဖြစ်ဘူး၊ အလုပ်လုပ်တာတောင် Work from homeဆိုတော့ နည်းနည်းတော့ ပျင်းဖို့ကောင်းမှာပါ။ ပတ်ဝန်းကျင်နဲ့လည်း အရင်လို ထိတွေ့မှု မရှိဘူးလေ။ ဒီလိုကာလမှာ ဝါသနာအသစ်လေး တစ်ခုလောက် အကြံပြုချင်ပါတယ်။ ဒါကတော့ indoor plant အိမ်တွင်းအပင်လေးတွေ စိုက်တာပါ။ အပင်စိုက်တယ်ဆိုတာ အိမ်မွေး တိရစ္ဆာန်လေးတွေ မွေးသလိုပါပဲ။ ပုံမှန် ဂရုစိုက်ရတာပါ။ ခုခေတ်မှာ အရင်လို မြေနေရာ ကျယ်ကျယ်ရှိမှ အပင်စိုက်လို့ရတာ မဟုတ်ပါဘူး။ တိုက်ခန်းနဲ့ နေတဲ့သူတွေဆိုရင်လည်း အိုးသေးသေးလေးတွေနဲ့ တစ်နိုင်တစ်ပိုင် စိုက်လို့ရနေပါပြီ။ ကရိကထလည်း မများ၊ မျက်စိပတာဒလည်းဖြစ်တဲ့ အိမ်တွင်းအပင်လေးတွေက ကိုယ့်ကို ကျန်းမာရေး အရ ဘာကောင်းကျိုးလေးတွေ ပေးနေလဲဆိုတာ ကြည့်ကြည့်ရအောင်
