ရှမ်းပြည်နယ်အရှေ့ပိုင်း မိုင်းယန်းမြို့နယ်တွင် နှစ်စဉ်ကျင်းပမြဲဖြစ်သော ရိုးရာကျွဲခတ်ပွဲကို ဇန်နဝါရီ ၁၂ က မြို့နယ်အားကစားကွင်း၌ ကျင်းပခဲ့သည်။

ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ် မျှဝေသောလက်များ (ပျဉ်းမနား) အသင်းမှ ဦးဆောင်၍ မြို့နယ်စည်ပင်သာယာ အုပ်ချုပ်ရေးမှူးရုံး၊ မြတ်ပညာမီးအိမ်ကိုယ်ပိုင် အထက်တန်းကျောင်း၊ SEC day special သင်တန်းနှင့် ရွှေအောင်လံဘော်ဒါတို့ ပူးပေါင်းပါဝင်ကာ ယနေ့ နံနက် ၆ နာရီမှစ၍ မြို့နယ်အတွင်း အမှိုက်များနှင့် အညစ်အကြေးများကို စုပေါင်းသန့်ရှင်းရေး ဆောင်ရွက်ကြောင်း သိရသည်။ 

ဂန့်ဂေါမြို့နယ်အတွင်း စိုက်ပျိုးထားသော ဆောင်းသီးနှံများတွင် ပိုးမွှားရောဂါကျရောက်မှုကြောင့် သီးနှံများပျက်စီဆုံးရှုံးမှု မရှိစေရေးအတွက် မြို့နယ်စိုက်ပျိုးရေးဦးစီးဌာနမှ ဝန်ထမ်းများသည် ဇန်နဝါရီ ၁၂ ရက်မှ စတင်ကာ စိုက်ခင်းများအရောက် ကွင်းဆင်းစစ်ဆေးပေးလျက်ရှိကြောင်း သိရသည်။

စာဖတ်ရှိန်မြှင့်တင်ရေး လုပ်ငန်းများဖြစ်သည့် စာပေလေ့လာဖတ်ရှုရေး ဟောပြောပွဲများကို ဇန်နဝါရီ ၁၁ ရက်နှင့် ၁၂ ရက်တို့တွင် ဂန့်ဂေါခရိုင် ဆောမြို့နယ်ရှိ ငှက်ပြာကျင်းကျေးရွာ မူလတန်း(လွန်)ကျောင်းနှင့် ငလယ်ခုံကျေးရွာ အလယ်တန်းကျောင်းတို့တွင် ပြုလုပ်ခဲ့ကြောင်း သိရသည်။

အမျိုးသမီးရေးရာကော်မတီမှ အမျိုးသမီးများ အကြမ်းဖက်မှုကာကွယ်နိုင်ရေး အသိပညာပေး ဟောပြောပွဲကို ဇန်နဝါရီ ၁၁ ရက်က စစ်ကိုင်းတိုင်းဒေသကြီး ဝက်လက်မြို့နယ် သမံသာကျေးရွာ အခြေခံပညာ မူလတန်းကျောင်းတွင် ပြုလုပ်ခဲ့ကြောင်း သိရသည်။

မီးဘေးလုံခြုံရေး အသိပညာပေးခြင်းကို ဇန်နဝါရီ ၁၂ ရက်က စစ်ကိုင်းတိုင်းဒေသကြီး ဝက်လက်မြို့နယ် သစ်စိမ့်ကျေးရွာတွင် ကွင်းဆင်းဆောင်ရွက်ခဲ့ကြောင်း သိရသည်။