မန္တလေးခရိုင်၊ ပုသိမ်ကြီးမြို့နယ်မှ အထူးရဲတပ်ဖွဲ့ဝင်များ ရွေးကောက်ပွဲဆိုင်ရာ လုံခြုံရေးသင်တန်း ၁/၂၀၂၀ ဖွင့်ပွဲ အခမ်းအနားကို ယမန်နေ့ နံနက် ၉ နာရီက ပုသိမ်ကြီး အထကကျောင်းရှိ အောင်ဇမ္ဗူခန်းမဆောင်၌ ပြုလုပ်ခဲ့သည်။

ဧရာဝတီတိုင်းဒေသကြီး ကိုဗစ်-၁၉ ထိန်းချုပ်ရေးနှင့် အရေးပေါ်တုံ့ပြန်ရေး ကော်မတီ၏ (၃၅/၂၀၂၀) ညှိနှိုင်း အစည်းအဝေးကို ယနေ့နံနက်က တိုင်းဒေသကြီးအစိုးရအဖွဲ့ အစည်းအဝေးခန်းမ (၁) ၌ ကျင်းပရာ ဝန်ကြီးချုပ် ဦးလှမိုးအောင်က အမှာစကား ပြောကြားပြီး တာဝန်ရှိသူအသီးသီးက ကဏ္ဏအလိုက် ဆွေးနွေးခဲ့ကြသည်။

ရန်ကုန်တောင်ပိုင်းခရိုင် သန်လျင်မြို့ရှိ အထွေထွေရောဂါကုဆေးရုံကြီးသို့ We Love Yangon လူထုအခြေပြုပရဟိတ အဖွဲ့နှင့် အလှူရှင်များစုပေါင်း၍ လေအေးပေးစက်များလှူဒါန်းပွဲကို ယမန်နေ့ နံနက်ပိုင်းက သန်လျင်အထွေထွေ ရောဂါကုဆေးရုံကြီး အစည်းအဝေးခန်းမ၌ ကျင်းပသည်။

ဖလမ်းမြို့ရှိ အသက်နှစ်လမှ တစ်နှစ်ခွဲ ကလေးငယ်များအား မိခင်နှင့်ကလေးကျန်းမာရေးဌာန၌ ယနေ့ နံနက်ပိုင်းကစ၍ ပုံမှန်ကာကွယ်ဆေးများ စတင်ထိုးနှံ တိုက်ကျွေးခဲ့ကြောင်း သိရသည်။

မန္တလေးမြို့ ကမ်းနားလမ်းတွင် ရာသီအလိုက် ကြက်သွန်မျိုးများကို  ရောင်းချလျက်ရှိရာ ပုံမှန် အရောင်းအဝယ် ဖြစ်နေကြောင်း  သိရသည်။ ကြက်သွန်မျိုး  ရောင်းဝယ်ရာ၌ ပထမပိုင်းတွင် ဥမျိုးများကို ရောင်းချပြီး နောက်ပိုင်းကာလတွင် အပင်မျိုးများကို တွင်ကျယ်စွာ ရောင်းချကြသည်။ ကြက်သွန်မျိုးများကို ဝါဆိုဝါခေါင်မှစကာ ပြာသိုလအထိ ရောင်းချကြသည်။ မန္တလေးမြို့ပေါ်ရှိ ကြက်သွန်မျိုးဆိုင်များမှာ  အခြားကုန်စည်များဖြင့် တွဲဖက်ရောင်းချကြသည်။

ပဲခူးတိုင်းဒေသကြီး ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေးလုပ်ငန်းများတွင် အသုံးပြုရန်အတွက် DOOSAN Co., Ltd မှ ပဲခူးတိုင်းဒေသကြီး အစိုးရအဖွဲ့သို့ Mask များကို ယနေ့ မွန်းလွဲ ၂ နာရီခွဲက လာရောက်လှူဒါန်းခဲ့ကြောင်း သိရသည်။