ကိုဗစ်-၁၉ ရောဂါ ကူးစက်ပြန့်ပွားမှု မဖြစ်ပေါ်စေရေးနှင့် ကိုဗစ်-၁၉ ရောဂါ ကာကွယ် ထိန်းချုပ်နိုင်ရေးအတွက်  Mask တပ်ဆင်ခြင်း ယဉ်ကျေးမှုဖြစ်ပေါ်စေပြီး ဈေးသွားဈေးလာ ၊ လူထူထပ်သည့် နေရာများတွင် Mask တပ်ဆင်ခြင်း အလေ့အထရှိခြင်းကြောင့် ကူးစက်ရောဂါများ ကြိုတင်ကာကွယ်သည့် ရည်ရွယ်ချက်ဖြင့် Mask များဖြန့်ဝေပေးခြင်းကို  ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင် အုပ်ချုပ်ခွင့်ရဒေသ၊ ပင်လောင်းမြို့နယ်တွင်  ယနေ့နံနက်ပိုင်းက  မြို့မရဲစခန်းရှေ့ မင်းလမ်းပေါ်၌ ပြုလုပ်ဆောင်ရွက်ခဲ့သည်။

စစ်ကိုင်းတိုင်းဒေသကြီး၊ ဘုတလင်မြို့၊ ပြည်သူ့ဆေးရုံကြီးတွင် သုံးမြွှာပူး ကလေးများ မွေးဖွားခဲ့သည့် မိခင်အား မြို့နယ်မိခင်နှင့် ကလေးစောင့်ရှောက်ရေးအသင်းဥက္ကဌ ဒေါ်ထိုက်စုကြည်နှင့် အဖွဲ့ဝင်များက ယနေ့ မွန်းလွဲပိုင်းက ထောက်ပံ့ငွေနှင့် ကလေးအသုံး အဆောင် အဝတ်အစားများ ထောက်ပံ့ ပေးအပ်ခဲ့ကြောင်း သိရသည်။

ကျောက်မဲ   ၂၅   ဩဂုတ်  

 

မကွေးတိုင်းဒေသကြီး၊ နတ်မောက်မြို့ မြန်မာ့စီးပွားရေးဘဏ်မှ ကိုဗစ်-၁၉ ကာကွယ်ထိန်းချုပ်ရေးကာလ      အတွင်း ပင်စင်စားများအတွက် ပင်စင်များကို ယနေ့ နံနက် ၇ နာရီက လူစုလူဝေးမဖြစ်ပေါ်စေရေး   ထုတ်ပေးလျက်ရှိသည်။

မြဝတီမြို့ မြန်မာ-ထိုင်းချစ်ကြည်ရေး တံတားအမှတ်(၂)ဂိတ်မှတစ်ဆင့် ထိုင်းနိုင်ငံ ခရိုင်ဒေသအသီးသီးမှ မြန်မာရွှေ့ ပြောင်းအလုပ်သမားများသည် မိမိအစီအစဉ်များဖြင့်  ပြန်လည်ဝင်ရောက်လာရာ ယနေ့ ဩဂုတ်  ၂၅ ရက် နံနက် ၆ နာရီမှ မွန်းတည့် (၁၂) နာရီအထိ အမျိုးသား(၁၇၀)နှင့် အမျိုးသမီး(၉၈)ဦး စုစုပေါင်း(၂၆၈)ဦး ဖြစ်သည်။

ကယားပြည်နယ်၊ ဘောလခဲခရိုင်၊ မယ်စဲ့မြို့နယ်တွင် ၂၀၂၀ ရွေးကောက်ပွဲအတွက် လူငယ်များအနေဖြင့် ရွေးကောက်ပွဲဖြစ်စဉ်တွင် ပိုမိုပါဝင်လာစေရန် ရည်ရွယ်ပြီး လွတ်လပ်မျှတသော ရွေးကောက်ပွဲများ ပံ့ပိုးကူညီရေးအဖွဲ့ (MYNFREL)မှ လူငယ်များအတွက် ဒီမိုကရေစီနိုင်ငံသားကောင်းဆိုင်ရာ စံနှုန်းများနှင့် မဲဆန္ဒရှင် အသိပညာပေးခြင်း သင်တန်းကို ယနေ့နံနက် ၉ နာရီက ဝမ်ကန်ကျေးရွာ ဘုန်းကြီးကျောင်း၌ ပြုလုပ်သည်။