နေပြည်တော် ဧပြီ ၁၄

 

ကရင်ပြည်နယ်၊ မြဝတီမြို့၌ ကိုရိုနာဗိုင်းရပ်စ်ရောဂါ(ကိုဗစ်-၁၉) အသက်ရှူလမ်းကြောင်းဆိုင်ရာရောဂါ ကူးစက်ပျံ့ပွားမှု မရှိစေရေးအတွက် ပြည်သူများလိုက်နာရမည့် အချက်များအား အသိပညာပေးခြင်းကို ယနေ့ နံနက် ၉ နာရီက ဆောင်ရွက််ခဲ့ကြောင်း သိရသည်။

ဒက္ခိဏသီရိမြို့နယ်အတွင်း အခြေခံလူတန်းစား အိမ်ထောင်စု (၆၁၈၇) ရှိသည့်အနက် ယနေ့တွင် အိမ်ထောင်စု (၄၇၅၈) စုအား အခြေခံစားသောက်ကုန်များ ဖြန့်ဝေပေးရန် လျာထားခဲ့ရာ ဒက္ခိဏသီရိ ရပ်ကွက်အတွင်း အိမ်ထောင်စု (၈၄၁) စုအား ဆား (၈၄၁) ပိဿာ၊ ပဲ (၈၄၁) ပိဿာ၊ ကြက်သွန် (၈၄၁) ပိဿာတို့အား လည်းကောင်း၊ ရွှေအင်ကြင်းရပ်ကွက်အတွင်း အိမ်ထောင်စု (၄၇၅) စုအား ကြက်သွန် (၄၇၅) ပိဿာအားလည်းကောင်း၊ ရန်အောင်မြင် ကျေးရွာအုပ်စုတွင် အိမ်ထောင်စု (၇၅၉) စုအား ဆား (၇၅၉) ပိဿာ၊ ပဲ (၇၅၉) ပိဿာတို့အား လည်းကောင်း၊ ကျွန်းတက်ပွဲ ကျေးရွာအုပ်စုတွင် အိမ်ထောင်စု (၃၃၀) အား ဆန်အိတ် (၃၃၀)၊ ဆားပိဿာ (၃၃၀) ၊ ပဲပိဿာ (၃၃၀) တို့အားလည်းကောင်း။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ ဝင်းမြတ်အေး သည် IDP စခန်းများနှင့် တိုက်ပွဲရှောင်စခန်းများအတွင်း နေထိုင်ကြသည့် ပြည်တွင်း နေရပ်စွန့်ခွာသူ များအတွက် ကိုဗစ်-၁၉ ရောဂါကာကွယ်၊ ထိန်းချုပ်၊ တုံ့ပြန်ရေး ဆောင်ရွက်ထားရှိမှုများ ညှိနှိုင်းဆွေးနွေးခြင်းကို ယနေ့မွန်းလွဲပိုင်းက တာဝန်ရှိသူများနှင့် Video Conference ပြုလုပ်သည်။    

ပြည်ထောင်စုနယ်မြေ၊ နေပြည်တော် တပ်ကုန်းမြို့နယ်တွင် ကိုဗစ်-၁၉ ရောဂါ ကြိုတင် ကာကွယ်ထိန်းချုပ်ရေး လုပ်ငန်း အချိန်အဟုန်မြှင့်တင် ဆောင်ရွက်လျက်ရှိရာ မြို့နယ်အတွင်း ယာဉ် အဝင်/အထွက် သွားလာမှုနှင့် မြို့မဈေး လူစုလူဝေး မဖြစ်ပေါ်စေရေး လုပ်ငန်းညှိနှိုင်းအစည်းအဝေးကို ယနေ့ မွန်းလွဲ ၁ နာရီခွဲက မြို့နယ်အထွေထွေ အုပ်ချုပ်ရေးဦးစီးဌာန၊ အစည်းအဝေးခန်းမတွင် ကျင်းပသည်။

ကိုဗစ်-၁၉ ရောဂါ ကာကွယ်ထိန်းချုပ်နိုင်ရေးနှင့် စပ်လျဉ်း၍ အရေးကြီးကာလဖြစ်သည့် မဟာသင်္ကြန် ရုံးပိတ်ရက်ရှည် ကာလအတွင်း ပုံမှန်ဝင်ငွေမရှိသော အခြေခံလူတန်းစားများအတွက် နိုင်ငံတော်မှ အခမဲ့ထောက်ပံ့ပေးသည့် အခြေခံစားသောက်ကုန်များကို ချင်းပြည်နယ်၊ မတူပီမြို့နယ်၊ လိုင်လင်းပီမြို့၌ ယနေ့ ညနေပိုင်းက ပုံမှန်ဝင်ငွေမရှိသော အခြေခံ လူတန်းစားများအတွက် နိုင်ငံတော်မှ အခမဲ့ထောက်ပံ့ပေးသည့် အခြေခံစားသောက်ကုန်များကို တာဝန်ရှိသူများက အိမ်တိုင်ရာရောက် ဖြန့်ဝေပေးခဲ့သည်။