မြောင်းမြခရိုင် ယာဉ်အန္တရာယ်၊လမ်းအန္တရာယ် ကင်းရှင်းရေး ကောင်စီနှင့်ပြန်ကြားရေးနှင့်ပြည်သူ့ဆက်ဆံရေး ဦးစီးဌာန တို့ပူးပေါင်း ဆောင်ရွက်သော "ယာဉ်အန္တရာယ် ကင်းရှင်းဖို့ အားလုံးပူးပေါင်းပါ ဝင်စို့" ခေါင်းစဉ်ဖြင့်ပြည်သူ့ စကားဝိုင်းအခမ်း အနား ကို မြောင်းမြမြို့ အ.ထ.က(၁) ကျောင်း၊ ပညာရတနာခန်းမ၌ ဖေဖော်ဝါရီ ၁၅  ရက်နေ့ မွန်းလွဲ(၂)နာရီ အချိန်တွင် ကျင်းပပြုလုပ်သွားမည်ဖြစ်သည်။

ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် ချောင်းဖျားကျေးရွာတွင် မြို့နယ်စိုက်ပျိုးရေး ဦးစီးဌာနမှ ကြီးမှူး၍ လိပ်ပြာမျိုးရင်းဝင်ဖျက်ပိုးများကို ကာကွယ်နှိမ်နင်းရန် ထရိုင်ဂိုဂရားမား ဉကပ်ပါးနဂျီလွှတ်ခြင်း ကွင်းသရုပ်ပြပွဲကို ယမန်နေ့ နံနက် ၉ နာရီက ချောင်းဖျားကျေးရွာရှိ တောင်သူ ဦးထွန်းမြင့်အောင်၏ လယ်ယာမြေ၌ ကျင်းပခဲ့သည်။

မကွေးတိုင်းဒေသကြီး၊ ဂန့်ဂေါခရိုင်၊ ထီးလင်းမြို့နယ်အတွင်း ကမ္ဘာ့ဘဏ်၏ အကူအညီဖြင့် အကောင်အထည်ဖော် ဆောင်ရွက်နေသည့် ကျေးရွာဖွံ့ဖြိုးရေး လူထုဗဟိုပြုစီမံကိန်းလုပ်ငန်းများနှင့် မြို့နယ်ကျေးလက်ဝန်ထမ်းအိမ်ရာ တည်ဆောက်နေမှုအား လုပ်ငန်းအရည်အသွေး ပြည့်မီရန်နှင့် အချိန်မီပြီးစီးနိုင်ရေးအတွက် ဖေဖော်ဝါရီ ၁၃ ရက် ညနေ ၃ နာရီက ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်)မှ လက်ထောက်ညွှန်ကြားရေးမှူး(နည်းပညာ) ဦးအောင်ဝေထွန်းနှင့် တာဝန်ရှိသူများက ကွင်းဆင်းကြည့်ရှုစစ်ဆေးခဲ့ကြောင်း သိရသည်။ 

တနင်္သာရီတိုင်းဒေသကြီး၊ မြိတ်ခရိုင်၊ ကျွန်းစုမြို့နယ်၌ (၁၀၅)နှစ်ပြည့် ဗိုလ်ချုပ်အောင်ဆန်း မွေးနေ့ အထိမ်းအမှတ် ပုံတူပန်းချီပြိုင်ပွဲနှင့် ဗိုလ်ချုပ်သမိုင်းကြောင်း အသိပညာပေးဟောပြောပွဲကို ဖေဖော်ဝါရီလ(၁၃)ရက်နေ့ မွန်းလွဲ(၁)နာရီအချိန်က ကျွန်းစုမြို့နယ်၊ လူထုအခြေပြုဗဟိုဌာန ခန်းမ၌ ကျင်းပပြုလုပ်ခဲ့ကြောင်း သိရသည်။

ကယားပြည်နယ်၊ ဘောလခဲခရိုင်၊ မယ်စဲ့မြို့နယ်တွင် ယမန်နေ့နံနက်၆နာရီ၄၅မိနစ်ခန့်က တောမီးလောင်ကျွမ်းမှုကြောင့် ပန်တိန်းကျေးရွာအနီး သစ်တောကြိုးဝိုင်းအတွင်းရှိ ဖားဆောင်း- မယ်စဲ့ ၃၃ ကေဗွီဓာတ်အားလိုင်းပေါ်သို့ သစ်ပင်လဲကျသဖြင့် ဓာတ်အားလိုင်းကြိုးများ ပြတ်တောက် ခြင်း၊ လက်တန်းများနှင့် ဓာတ်အားလိုင်းတိုင်များ ရွဲ့စောင်းခြင်းများ ဖြစ်ပေါ်ခဲ့ပြီး လျှပ်စစ်ဓာတ်အား ယာယီပြတ်တောက်ခဲ့ကြောင်း သိရ

မကွေးတိုင်းဒေသကြီး ၊ မင်းဘူး(စကု)မြို့နယ် အိုင်းမကျေးရွာအုပ်စု ၊ အိုးပြင်မဲကျေးရွာရှိ မီးဘေးသင့် ပြည်သူများ အဆင်ပြေစွာ နေထိုင်စားသောက်နိုင်ရေးအတွက် ဖေဖော်ဝါရီ ၁၃ ရက်နေ့က ပွင့်ဖြူမြို့နယ် တောင်အင်းကျေးရွာ မေတ္တာရှင် ပရဟိတအသင်းမှ နာယကဆရာတော် ဦးစန္ဒိမာ ဦးဆောင်၍ ပရဟိတ အသင်းသားများက ငွေကျပ် ၁၉ သိန်း တန်ဖိုးရှိ ဆန်နှင့် အိမ်အသုံးအဆောင်ပစ္စည်းများ သွားရောက် ကူညီထောက်ပံ့လှူဒါန်း ပေးခဲ့ကြောင်း သိရ