ကိုဗစ်-၁၉ ရောဂါ ကာကွယ်ထိန်းချုပ်ရေး ဆောင်ရွက်နေစဉ်အတွင်း တစ်ဖက်တစ်လမ်းမှ ကူညီသည့် အနေဖြင့် ရွှေပြည်သာမြို့နယ် အမှတ် ၃ ရပ်ကွက်၊ ၃/၁၆/ တိုးချဲ့ရှိ ပြည်သူများအား ယနေ့ညနေပိုင်းတွင် စီးပွားရေးတက္ကသိုလ် ကျောင်းသား ကျောင်းသူဟောင်း ကိုဗစ်-၁၉ ကူညီရေး သူငယ်ချင်းများက ဆန်၊ ဆီ၊ ဖယောင်းတိုင် နှင့် ငွေသားများ ထောက်ပံ့ပေးအပ်ခဲ့ကြသည်။ 

မကွေးတိုင်းဒေသကြီး ထီးလင်းမြို့နယ် ထန်းပင်ကုန်းကျေးရွာတွင် ကျေးရွာဘက်စုံသုံးခန်းမ အဆောက်အအုံသစ် ဆောက်လုပ် နေမှုကို ယနေ့ နံနက် ၉ နာရီခွဲက မြို့နယ် လူထုဗဟိုပြုစီမံကိန်းမှ ဝယ်ယူရေးအရာရှိ ဒေါ်အေးစိုးဦးနှင့် အဖွဲ့ဝင်များက ကြည့်ရှုစစ်ဆေး ခဲ့ကြောင်း သိရသည်။ 

နွေရာသီတွင် သောက်သုံးရေအခက်အခဲ မဖြစ်ပေါ်စေရေး ကျေးရွာများအရောက် သောက်သုံးရေများ လှူဒါန်းခြင်းကို ယနေ့ မွန်းလွဲပိုင်းက ရန်ကုန်တောင်ပိုင်းခရိုင်၊ ကော့မှူးမြို့နယ် မီးသတ်စခန်းမှ မြို့နယ်ဦးစီးမှူး ဦးမျိုးမင်းထက်နှင့် မီးသတ်တပ်ဖွဲ့ဝင်များက ဆောင်ရွက်ခဲ့ကြောင်း သိရသည်။

ကချင်ပြည်နယ်၊ မိုးညှင်းမြို့နယ်၊ ပင်လုံကျေးရွာအုပ်စု၊ ပင်လုံကျေးရွာအနီး လေးတန်ချောင်းတွင် ဒေသအတွင်း တောင်သူများအတွက် လယ်မြေဧက (၄၅၀) ကျော်ကို အကျိုးပြုဖြစ်ထွန်းပြီး ရာသီမ‌ရွေး စိုက်ပျိုးရေ ပေးဝေနိုင်မည့် ပင်လုံဆည် တည်ဆောက်လျက်ရှိရာ ၇၀ ရာခိုင်နှုန်းခန့် ပြီးစီနေပြီဖြစ်ကြောင်း မြတ်ထက်စံကုမ္ပဏီမှ ဆည်တည်ဆောက်ရေး အထွေထွေမန်နေဂျာ ဦးအောင်နိုင်စိုးထံမှ သိရသည်။

သရက်စိုက်တောင်သူများအနေဖြင့် သရက်ဈေးကွက်အတွင်း သရက်သီးနှင့်အတူ တန်ဖိုးမြှင့်ထုတ်ကုန်အဖြစ် ထုတ်လုပ်၍ တွဲဖက်ရောင်းချနိုင်ရန် ကြိုးစားလုပ်ဆောင်သင့်ကြောင်း မြန်မာနိုင်ငံ သရက်စိုက်ပျိုး ထုတ်လုပ်တင်ပို့ ရောင်းချသူများအသင်း ဒုတိယဥက္ကဋ္ဌ ဒေါ်သန်းသန်းဆွေက ပြောသည်။

မအီမြို့နယ်တွင် ကိုဗစ်-၁၉   ရောဂါကာကွယ်ရေး လုပ်ငန်းများကို အရှိန်အဟုန်မြှင့် ဆောင်ရွက်လျက်ရှိရာ မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် စည်ပင်သာယာရေး ဦးစီးဌာနတို့ ပူးပေါင်း၍ ယနေ့နံနက်ပိုင်းကမအီမြို့၊ စည်ပင်သာယာမြို့မဈေးအတွင်း၌ ဈေးရောင်းချသူများနှင့် ဈေးဝယ်သူများကို နှာခေါင်းစည်းများ နှင့် လက်သန့်ဆေးဗူးများ ဖြန့်ဝေပေးခဲ့သည်။