၁။ ပြီးခဲ့သည့်နှစ်များအတွင်း ပြည်ထောင်စုသမ္မတမြန်မာနိုင်ငံသည် ဘက်ပေါင်းစုံစိန်ခေါ်မှုများကြားမှ အဓိကကျသော ပြုပြင်ပြောင်းလဲမှုများနှင့် ဒီမိုကရေစီကူးပြောင်းရေး လုပ်ငန်းစဉ်များကို ဆောင်ရွက်ခြင်းဖြင့် နိုင်ငံတကာအသိုင်းအဝန်းနှင့် တံခါးဖွင့် ဆက်ဆံခဲ့ပါသည်။ ယင်းသို့လုပ်ဆောင်ရာတွင် နိုင်ငံတော်အစိုးရသည် ဒေသတွင်းနှင့် ကမ္ဘာလုံးဆိုင်ရာ ကတိကဝတ်များကို လိုက်ပါအကောင်အထည်ဖော်လျက်ရှိရာ ယင်းတို့အနက် ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှုတိုက်ဖျက်ရေး လုပ်ငန်းစဉ်သည် အရေးကြီးဆုံးသော ကတိကဝတ်တစ်ခု ဖြစ်ပါသည်။
