စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့၊ အောင်မင်္ဂလာရပ်၌ ဖေဖော်ဝါရီလ ၈ ရက် (တပို့တွဲလပြည့်နေ့) နှစ်စဉ် မင်္ဂလာရာန်အောင်ဓာတ်ပေါင်းစုစေတီကြီး ဗုဒ္ဓပူဇနိယပွဲတော်တွင် နွားဒုန်းပြိုင်ပွဲနှင့် မြင်းဒုန်းပြိုင်ပွဲ ဗိုလ်လုပွဲကို ဖေဖော်ဝါရီလ ၇ ရက် ညနေ ၃ နာရီက ကျင်းပပြုလုပ်သည်။

ကျေးလက်ဒေသဖွံ့ဖြိုးတိုးတက်ရေးဦးစီးဌာန လူထုဗဟိုပြု စီမံကိန်း(CDD) တတိယနှစ်စက်ဝန်း ထောက်ပံ့ရန်ပုံငွေ၊ ကျေးရွာနေပြည်သူတို့၏ ထည့်ဝင်ငွေဖြင့် အကောင်အထည်ဖော် ဆောင်ရွက်ခဲ့သည့် မကွေးတိုင်းဒေသကြီး၊ ဂန့်ဂေါခရိုင်၊ ဆောမြို့နယ်၊ လေးကျေးရွာရှိ ချီချောင်းဂုဏ်ဆောင် ကြိုးတံတားသစ်ဖွင့်ပွဲကို ယနေ့နံက်ပိုင်းက အဆိုပါ တံတားတည်ရှိရာနေရာ၌ ကျင်းပခဲ့ကြောင်း သိရသည်။

မိတ္ထီလာမြို့ ထီလာဦး မျက်စိအထူးကုဆေးရုံမှ မျက်စိဝေဒနာရှင်များအား အခမဲ့ မျက်စိခွဲစိတ်ကုသပေးခြင်းကို ဖေဖော်ဝါရီလ ၈ ရက်နေ့ နံနက်က ခွဲစိတ်ကုသပေးခဲ့ကြောင်း ထီလာဦး မျက်စိအထူးကုဆေးရုံမှ သိရသည်။

(၇၃)နှစ်မြောက် ပြည်ထောင်စုနေ့အထိမ်းအမှတ် မြန်မာ့ရိုးရာလှေလှော်ပြိုင်ပွဲကို ယနေ့နံနက် ၉ နာရီက ကျိုက်မရောမြို့  ကမ်းနားလမ်းရှိ အတ္တရံမြစ်အတွင်း၌ ကျင်းပပြုလုပ်သည်။ 

ကယားပြည်နယ်၊ လွိုင်ကော်မြို့၊ ဆုတောင်းပြည့် မဟာမြတ်မုနိ မိုးကောင်းဘုရားကြီး ဂန္ဓကုဋီတိုက် အာရုံခံတန်ဆောင်းတော်သစ်ဖွင့်ပွဲ မင်္ဂလာအခမ်းအနားကို ဖေဖော်ဝါရီလ ၈ ရက်နေ့ ၊ နံနက် ၉  နာရီအချိန်က အဆိုပါနေရာ၌ ကျင်းပသည်။ 

တပို့တွဲလပြည့်နေ့ (သြဝါဒပါတိမောက် အခါတော်နေ့)တွင် မန္တလေးရှိ တန်ခိုးကြီးဘုရားများနှင့် အထင်ကရနေရာများတွင် လာရောက်လည်ပတ်သူများဖြင့် အထူးစည်ကားလျက်ရှိကြောင်း သိရသည်။