မြန်မာပြည်၏ ဗုဒ္ဓဂါယာဟု အမှတ်သညာပြုကြသည့် ပွင့်ဖြူမြို့နယ် စန္ဒကူးနံ့သာ ကျောင်းတော်ရာစေတီကြီးကို ပုဂံခေတ်လက်ရာများ ဖြည့်စွက်ကာ  ဒေါက်တာခင်ရွှေနှင့် ဇနီး ဒေါ်စန်းစန်းကြွယ် (ဇေကမ္ဘာမိသားစု)မှ ဦးဆောင်ဦးရွက်ပြုပြီး  ကျိုက်ထီးဆောင်း ငါးသုံးလီမိသားစုနှင့် ခုနှစ်ရက်သားသမီးတို့၏ အလှူမှုတို့ဖြင့် ဘက်စုံပြုပြင်မွမ်းမံလျက်ရှိကြောင်း မင်းဘူးခရိုင် အုပ်ချုပ်ရေးအဖွဲ့မှ သိရသည်။    

ကယားပြည်နယ်၊ မယ်စဲ့မြို့နယ်တွင် ခြင်အန္တရာယ်မှ ကင်းဝေးစေရေးနှင့် သွေးလွန်တုပ်ကွေးရောဂါ မဖြစ်ပွားစေရေးအတွက် ကြိုတင်ကာကွယ်ရေး လုပ်ငန်းများကို ဇွန် ၈ ရက်က မယ်စဲ့မြို့ မြောက်ပိုင်းရပ်ကွက်တွင် ဆောင်ရွက်ခဲ့ကြောင်း သိရသည်။

ခန္တီးမြို့တွင် ချင်းတွင်းမြစ်ကမ်းဘေး သန့်ရှင်းသာယာလှပရေးအတွက် စုပေါင်းသန့်ရှင်းရေး ပြုလုပ်ခြင်းကို ယနေ့ နံနက် ၇ နာရီမှ စတင်ကာ ဆောင်ရွက်ခဲ့ကြောင်း သိရသည်။

ချင်းတွင်းမြစ်ဝှမ်း ရေရှည်တည်တံ့စွာ ခိုင်မြဲစေရန်နှင့် ရေရှည်အသုံးပြုနိုင်ရေးသည်   မြစ်ဝှမ်းဒေသနေပြည်သူများ၏     ဝိုင်းဝန်းထိန်းသိမ်းစောင့်ရှောက်သည့်အခန်းကဏ္ဍသည် အလွန်အရေးကြီးကြောင်း မြန်မာ့ဝန်းကျင်သိပ္ပံ(Myanmar Environment Institute – MEI )၏ ညွှန်ကြားရေးမှူး ဒေါက်တာဝင်းကြည်၏ ပြောကြားချက်အရ သိရသည်။

ကချင်ပြည်နယ် မြစ်ကြီးနားမြို့ပေါ်ရှိ မိဘမဲ့ပြုစုစောင့်ရှောက်ရေးနှင့် ဂေဟာများရှိ ကျောင်းသား/သူများအား ဧရာဝတီ မြစ်ညှာမြစ်ဝှမ်း ရေအားလျှပ်စစ်ထုတ်လုပ်ရေး ကုမ္ပဏီ(ACHC)မှ စားသုံးဆန်နှင့် ဆီများထောက်ပံ့ပေးအပ် လှုဒါန်း ခြင်းကို ဇွန် ၈ရက် နံနက်ပိုင်းက ပေးအပ်လှူဒါန်းခဲ့သည်။