ဧရာဝတီတိုင်းဒေသကြီး၊ ဇလွန်မြို့နယ်၊ သာအုပ်ရှစ်ကွင်းနှင့် ဂျမ်းတိုက်ကျေးရွာအုပ်စုတို့တွင် အောက်တိုဘာ ၃၁ ရက် ညနေ ၅ နာရီခွဲ အချိန်၌ မိုးရွာသွန်းပြီး လေပြင်းတိုက်ခတ်မှုကြောင့် လူနေအိမ် ၅ လုံး ပြိုလဲခဲ့ပြီး လူနေအိမ် ၅ လုံး အမိုးလန်ကာ စုစုပေါင်း လူနေအိမ် ၁၀ လုံး ပျက်စီးခဲ့ပြီး လူနှင့် တိရိစ္ဆာန်များ ထိခိုက်သေဆုံးမှု မရှိကြောင်း သိရသည်။

ပဲခူးတိုင်းဒေသကြီးဝန်ကြီးချုပ်ဦးဝင်းသိန်းသည် အောက်တိုဘာ ၃၁ ရက်နေ့ မွန်းလွဲ ၂ နာရီခွဲ အချိန်က ဌာနဆိုင်ရာတာဝန်ရှိသူများနှင့်အတူ ရေတာရှည်မြို့နယ် ဘိုးတော်ကုန်းကျေးရွာ၌ ဝန်ထမ်းအိမ်ရာ တည်ဆောက်ပြီးစီးမှုအခြေအနေအား သွားရောက်ကြည့်ရှုစစ်ဆေးခဲ့သည်။

စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်‌‌ကျးလက်ဒေသဖွံ့ဖြိုးတိုးတက်ရေးဦးစီးဌာန၊ လူထုဗဟိုပြုစီမံကိန်းဒုတိယနှစ်စက်ဝန်းတွင်ဒေသဖွံ့ဖြိုးရေးလုပ်ငန်းများအား အောက်တိုဘာလဆန်းပိုင်းကစတင်ပြီး အကောင်အထည်ဖော်ဆောင်ရွက်လျှက်ရှိကြောင်း သိရသည်။

တနင်္သာရီတိုင်းဒေသကြီး ထားဝယ်ခရိုင် ရေဖြူမြို့နယ် ကံပေါက်ကျေးရွာရှိ ဆေးရုံကြီး၌ နိုဝင်ဘာ ၁၄ ရက်နေ့ မနက်ပိုင်းမှစတင်၍ သုံးရက်တိုင်တိုင် မျက်စိဝေဒနာရှင်များအား အခမဲ့စမ်းသပ်ခွဲစိတ်ကုသပေးသွားမည်ဖြစ်သည်။

မကွေးတိုင်းဒေသကြီး၊ သရက်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၁၈-၂၀၁၉ ဘဏ္ဍာရေးနှစ်တွင် (National Enectrificption Project- NEP) စီမံကိန်း ICB-3 ဖြင့် တစ်အိမ်သုံး ဆိုလာစနစ် မီးလင်းရေးလုပ်ငန်း ဆောင်ရွက်သည့် ကျေးရွာများတွင် ဆိုလာမီးသုံးစွဲခြင်း အသိပညာပေး ဟောပြောပွဲများဆောင်ရွက်လျက်ရှိရာ ပေကုတင်ကျေးရွာ၌ ယမန်နေ့ နေ့လည်ကကွင်းဆင်း၍ ဟောပြော ဆွေးနွေးခြင်းများဆောင်ရွက်ခဲ့သည်။

စိုက်ပျိုးရေး မွေးမြူရေးနှင့်ဆည်မြောင်းဝန်ကြီးဌာန      ပူတာအိုမြို့နယ်ကျေးလက်ဒေသ ဖွံ့ဖြိုးတိုးတက် ရေးဦးစီးဌာန၏ လူထုဗဟိုပြုစီမံကိန်း(ဒုတိယနှစ်စက်ဝန်း)ရန်ပုံငွေဖြင့်    လုံရှာယာန်ကျေးရွာအုပ်စု ကျေးရွာငါး ရွာတွင်ကျေးလက်ဒေသဖွံ့ဖြိုးရေးလုပ်ငန်းများ အကောင်အထည်ဖော်ဆောင်ရွက်လျက်ရှိကြောင်း မြို့နယ်ကျေး လက်ဒေသဖွံ့ဖြိုး တိုးတက်ရေးဦးစီးဌာနမှ သိရသည်။