ကရင်ပြည်နယ်၊ ဘားအံမြို့၊မြိုင်ကလေးကျေးရွာ ဘုန်းတော်ကြီးကျောင်းဓမ္မာရုံ၌ ကျေးလက်ဒေသဖွံ့ဖြိုးရေး ခေါင်းစဉ်ဖြင့် ပြည်သူ့စကားဝိုင်း၌ (PUBLIC TALK)ကို မေ ၂၈ ရက် နံနက်(၉)နာရီခွဲက ပြုလုပ်ခဲ့ကြကြောင်း သိရသည်။

ရန်ကုန်တိုင်းဒေသကြီး တရားလွှတ်တော် တရားသူကြီး ဦးအောင်နိုင်သည် ရုံးအဖွဲ့မှူး ဦးရဲလွင်၊ ခရိုင်နှင့် မြို့နယ်တရားသူကြီးတို့နှင့်အတူ ယနေ့နံနက်ပိုင်းက လှည်းကူးမြို့နယ် မင်းကုန်း စိုက်ပျိုးမွေးမြူရေးနှင့် အသက်မွေးမှု အတတ်သင်စခန်းနှင့် လှေလှော်အင်းစိုက်ပျိုးမွေးမြူရေးနှင့် အသက်မွေးမှု အတတ်သင်စခန်းတို့အား သွားရောက်ကြည့်ရှု စစ်ဆေးသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန အပူပိုင်းဒေသစိမ်းလန်းစိုပြည်ရေးဦးစီးဌာနနှင့် ပြင်သစ်နိုင်ငံအခြေစိုက် GERES အဖွဲ့ ပူးပေါင်း၍ ပြင်သစ်နိုင်ငံဖွံ့ဖြိုးတိုးတက်ရေး AFD ၏ရန်ပုံငွေဖြင့် မိတ္ထီလာခရိုင် သာစည်မြို့နယ်အတွင်းရှိ ဝေးလံခေါင်းပါးသောကျေးရွာများမှ အိမ်ထောင်စုများ စွမ်းအင်ရရှိရေး ပူးပေါင်းဆောင်ရွက်မှုစီမံကိန်း Reach Project အကြောင်းရှင်းလင်းပွဲကို ယနေ့ ၁၀ နာရီက မိတ္ထီလာမြို့ တော်ဝင်နန်းခန်းမတွင် ကျင်းပကြောင်း သိရသည်။

မန္တလေးတိုင်းဒေသကြီး၊ ညောင်ဦးခရိုင် ကျောက်ပန်းတောင်းမြို့နယ် ပုပ္ပား-တောင်ကလပ်ကျေးရွာတွင် ၊ မေ(၂၉) ရက်နေ့၊နံနက်(၇)နာရီက ငြိမ်းချမ်းရေး ပရဟိတအမှိုက်ကောက်အဖွဲ့နှင့်အတူ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့နှင့်မြို့နယ် စည်ပင်သာယာရေးအဖွဲ့တို့ ပူးပေါင်း၍ တောင်ကလပ်အခြေနှင့် နဂါးစောင်းတန်းတစ်လျှောက် အမှိုက်ကောက် သန့်ရှင်းရေးကို စုပေါင်းဆောင်ရွက်ခဲ့ကြကြောင်း သိရသည်။

ကချင်ပြည်နယ် ဖားကန့်မြို့၌ မြို့နယ်လုံးကျွတ် ကျောင်းအပ်နှံရေးနေ့ အခမ်းအနားကို မေ ၂၈ ရက် နံနက်ပိုင်းက အ.ထ.က(ဖားကန့်)၊ ပညာရတနာခန်းမအတွင်း ကျင်းပစဉ် မြို့နယ်အတွင်း စာသင်ကျောင်းများ၏ အခြေခံလိုအပ်ချက်များအား ဖြည့်ဆည်းရန် အလှူရှင်များက စုစုပေါင်း ငွေကျပ်သိန်း နှစ်ထောင့်သုံးရာငါးဆယ့်ကိုးသိန်းငါးသောင်းငါးထောင်တိတိကို သက်ဆိုင်ရာ ကျောင်းကော်မတီနှင့် ကျောင်းအုပ်ကြီးများထံ ထောက်ပံ့ပေးအပ်ခဲ့ကြောင်း သိရသည်။

အလုပ်သမားရေးရာ အငြင်းပွားမှုဖြေရှင်းရေးဥပဒေကို ဒုတိယအကြိမ်ပြင်ဆင်သည့် ဥပဒေနှင့် စပ်လျဉ်း၍ ရှင်းလင်းဆွေးနွေးပွဲကို ယနေ့နံနက် ၉ နာရီတွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန နေပြည်တော်၌ ကျင်းပသည်။