တနင်္သာရီတိုင်းဒေသကြီး မြိတ်-ကျွန်းစုရှိ ကျွန်းများသည် ပင်လယ်ကမ်းခြေများ၏လှပမှု၊ သဘာဝအတိုင်းတည်ရှိနေသည့် ရေပေါ်ရေအောက်သယံဇာတများ၏ လှပမှုများကြောင့် မြိတ်ကျွန်းစုသို့ ပြည်တွင်းပြည်ပ ဧည့်သည်လာရောက်လည်ပတ်မှု တစ်နှစ်ထက်တစ်နှစ် ပိုမိုတိုးတက်လျက်ရှိသည်။

မြန်မာလူမျိုးတို့၏ နေ့ထူးနေ့မြတ်ဖြစ်သော သီတင်းကျွတ်ပွဲတော် အခါရက်များဖြစ်သည့် အောက်တိုဘာ ၁၂ ရက် (သီတင်းကျွတ်လဆန်း ၁၄ ရက် အဖိတ်နေ့)တွင် လက်ပံတန်းမြို့မဈေး၌ ခရီးသွားပြည်သူများ ရပ်နီးရပ်ဝေးမှ ဈေးရောင်းဈေးဝယ်များဖြင့် စည်ကားလျက်ရှိသည်။

ပဲခူးတိုင်းဒေသကြီး ပဲခူးခရိုင် ရွှေကျင်မြို့တွင် နှစ်စဉ်ကျင်းပသော သီတင်းကျွတ်မီးမျှောပူဇော်ပွဲတော်အား စည်ကားသိုက်မြိုက်စွာ ကျင်းပလျက်ရှိရာ ၁၃၈၁ ခုနှစ် သီတင်းကျွတ်လပြည့်ကျော် (၁)ရက်  (၂၀၁၉ ခုနှစ် အောက်တိုဘာ ၁၄ ရက်) နံနက် ၉ နာရီတွင် ရေပွဲအခမ်းအနား စတင်ဖွင့်လှစ်ကာ (၁၆၈)နှစ်မြောက် သီတင်းကျွတ်မီးမျှောပူဇော်ပွဲတော်ကို ကျင်းပဆောင်ရွက်သွားမည်ဖြစ်ကြောင်း သိရသည်။