စစ်ကိုင်းတိုင်းဒေသကြီး၊ ကသာမြို့နယ်တွင် မြို့နယ်ရှိ မြို့မဈေးကြီး၊ သီရိခေမာဈေး၊ ဘူတာပျံကျဈေးနှင့် ပတ္တမြားဈေးများကို ဧပြီ ၂၀ ရက်နေ့မှ ဧပြီလကုန်အထိ ယာယီပိတ်သွားမည်ဖြစ်ပြီး အဆိုပါဈေးများပိတ်ချိန်တွင် ဈေးရောင်းသူများနှင့် ဈေးဝယ်သူများအနေဖြင့် စားသောက်ကုန်များ အဆင်ပြေစွာ အဆက်မပြတ် ဝယ်ယူရောင်းချနိုင်ရန်အတွက် ကသာမြို့ရှိ မီတာ ၂၀ဝ ပြည်သူ့ အားကစားကွင်းနှင့် ပတ္တမြားရပ်ကွက်ရှိ အားကစားကွင်းတို့တွင် ယာယီပျံကျဈေးအဖြစ် အစားထိုး ဖွင့်လှစ်ပေးခဲ့ရာ ဈေးသည်များအနေဖြင့် မိမိတို့၏ စားသောက်ကုန်များကို ဧပြီ ၂၀ ရက်နေ့က အဆိုပါဈေးအတွင်း စတင်ရောင်းချလျက်ရှိသည်။

ကျောင်းကုန်းမြို့မဈေးကြီးတွင် အခြေခံစားသောက်ကုန်ပစ္စည်း အရောင်းဆိုင်နှင့် ဆေးဝါးပစ္စည်း အရောင်းဆိုင်များမှအပအခြားပစ္စည်းများ ရောင်းချသည့်ဆိုင်များအားလုံး ယနေ့ မွန်းလွဲမှစ၍ ဧပြီလကုန်အထိ ယာယီပိတ်သိမ်းသွားမည်

မိဘပင်စင်စားများ ပင်စင်လစာငွေ လာရောက်ထုတ်ယူသည့်အခါ ကိုဗစ်-၁၉ ရောဂါ ကူးစက်မှုအန္တရာယ်ကင်းရှင်းစေရန်အတွက် ရှမ်းပြည်နယ်အရှေ့ပိုင်း တာချီလိတ်ခရိုင် မိုင်းယောင်းမြို့နယ် မြန်မာ့စီးပွားဘဏ်၌ ပိုးသတ်ဆေးဖျန်းခြင်းကို ဧပြီ ၂၀ ရက် နံနက် ၇ နာရီက ကျန်းမာရေးဝန်ထမ်းများက ဆောင်ရွက်ပေးခဲ့ကြောင်း သိရသည်။

လတ်တလောဖြစ်ပွားနေသော အသက်ရှူလမ်းကြောင်းဆိုင်ရာ ကိုရိုနာဗိုင်းရပ်စ် ကိုဗစ်-၁၉ ရောဂါ ကြိုတင်ကာကွယ် ထိန်းချုပ်နိုင်ရေးအတွက် ဂန့်ဂေါခရိုင် ထီးလင်းမြို့တွင်         ဧပြီ ၁၉ ရက် ညနေ ၄ နာရီက ထီးလင်းမြို့ မြန်မာ့စီးပွားရေးဘဏ်ရုံးရှေ့ ဗိုလ်ချုပ်လမ်းမကြီး နေရာ၌ ခရီးသွားပြည်သူများနှင့် ရပ်ကွက်နေ လမ်းသွား လမ်းလာ ပြည်သူများအား နှာခေါင်းစည်း(Mask)များ အခမဲ့ ဝေငှတပ်ဆင်ပေးခဲ့ကြကြောင်း သိရသည်။

မကွေးတိုင်းဒေသကြီး၊ မင်းဘူးခရိုင်၊ စေတုတ္တရာမြို့တွင် ကိုဗစ်-၁၉ ရောဂါ ကူးစက်မှုမဖြစ်ပွားစေရေးအတွက် ရောဂါကြိုတင်ကာကွယ်သည့်အနေဖြင့် မြို့နယ်လျှပ်စစ်ရုံးတွင် လျှပ်စစ်မီတာခများအား စနစ်တကျကောက်ခံပေးသွင်းလျက်ရှိကြောင်း  သိရသည်။

ချင်းပြည်နယ် ကိုဗစ်-၁၉ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ၏ လမ်းညွှန် ချက်ဖြင့်  ကိုဗစ်-၁၉ ရောဂါကာကွယ်ထိန်းချုပ်နိုင်ရေးအတွက် ဟားခါးမြို့နယ် မီးသတ်ဦးစီးဌာနက ဟားခါးမြို့ပေါ်ရှိ ဌာနဆိုင်ရာရုံးများ၊ အများပြည်သူနှင့်သက်ဆိုင်သည့် နေရာများအား ပိုးသတ်ဆေး  ဖျန်းခြင်းလုပ်ငန်းများကို အရှိန်အဟုန်မြှင့် ဆောင်ရွက်လျက်ရှိကြောင်း သိရသည်။