ကျန်းမာရေးနှင့်အားကစားဝန်ကြီးဌာန၏ (၁၇-၄-၂၀၂၀) ရက်နေ့၊ နံနက် (၂)နာရီအချိန် ထုတ်ပြန်ချက်ဖြင့် (၁၆-၄-၂၀၂၀)ရက်နေ့တွင် တိုင်းဒေသကြီး/ ပြည်နယ်အသီးသီးမှ ပေးပို့လာ သော COVID-19 ရောဂါ စောင့်ကြည့်လူနာ (၁၁၀)ဦးနှင့် အသွားအလာကန့်သတ်ထားသူ (၁၅၉)ဦး၊ စုစုပေါင်း (၂၆၉) ဦးတို့၏ ဓာတ်ခွဲနမူနာများတွင် COVID-19 ရောဂါပိုး မတွေ့ရှိကြောင်း သတင်း ထုတ်ပြန်

လတ်တလောအသက်ရှုလမ်းကြောင်းဆိုင်ရာ ကိုဗစ်-၁၉ ရောဂါကြိုတင်ကာကွယ်ရေးနှင့် အရေးပေါ်ကာလအတွင်း ရောဂါကူးစက်ပျံ့နှံ့မှုမဖြစ်ပေါ်စေရေးအတွက် ဒလမြို့နယ်အတွင်းရှိ ကမာကဆစ်ဈေးနှင့် အောင်ဇေယျဈေးတို့၌ အခြေခံစားသောက်ကုန်များကို ဒေသခံပြည်သူများ ဝယ်ယူရာတွင် အဆင်ပြေစေရေးအတွက် နံနက် ၆ နာရီ မှ မွန်းတည့် ၁၂ နာရီအထိ ဖွင့်လှစ်ရောင်းချပေးလျက်ရှိပြီး၊ အောင်ဇေယျဈေးအပြင်ဘက်ရှိ ညပိုင်း ဖွင့်လှစ်ရောင်းချလျက်ရှိသော ညဈေးကို  လတ်တလော အခြေအနေတွင် ယာယီပိတ်သိမ်းသွားမည်ဖြစ်ကြောင်း ညဘက် ကုန်စိမ်းရောင်းချသူများ နှင့် ဈေးဝယ်သူများ အဆင်ပြေစေရေးအတွက်  ယနေ့ နံနက် ၆ နာရီက  အောင်ဇေယျဈေးအတွင်း၌  စနစ်တကျရောင်းဝယ်နိုင်ရေးအတွက် မြို့နယ်စည်ပင်သာယာရေးကော်မတီမှ တာဝန် ရှိသူများ၊ ဈေးတာဝန်ခံ နှင့် ဝန်ထမ်းများက  ပြန်လည်နေရာစီစဉ်ပေးခဲ့ကြောင်း သိရသည်။  

မန္တလေးတိုင်းဒေသကြီး အစိုးရအဖွဲ့ဝန်ကြီးချုပ် ဒေါက်တာဇော်မြင့်မောင်က  ကိုဗစ်-၁၉ ရောဂါကာကွယ်ထိန်းချုပ် ကုသရေးလုပ်ငန်းများကို နေ့မအား ညမနား  တာဝန်ယူဆောင်ရွက်လျက်ရှိသော မြို့နယ်အထွေထွေအုပ်ချုပ်ရေးဦးစီးဌာနမှ ဝန်ထမ်းများအတွက် ထောက်ပံ့ပေးအပ်သည့် အခြေခံစားသောက်ကုန်များနှင့် နှာခေါင်းစည်း(Mask)များ ထပ်ဆင့်ပေးအပ်ပွဲကိုဧပြီ ၁၆ ရက် နံနက် ၁၁ နာရီခွဲက တောင်သာမြို့နယ်အထွေထွေ အုပ်ချုပ်ရေးဦးစီးဌာနရုံး အစည်းအဝေးခန်းမတွင်ကျင်းပ ပြုလုပ်ခဲ့သည်။