မကွေးမြို့၌ စည်ပင်သာယာရေးအဖွဲ့ပိုင် ဈေး(၅)ဈေးရှိပြီး ဈေးဝယ်သူနှင့် ဈေးရောင်းသူများအားလုံး Mask နှာခေါင်းစည်းတပ်ပြီးမှ ဈေးထဲဝင်ရမည်ဖြစ်ကြောင်း စည်ပင်တာဝန်ရှိသူတစ်ဦးထံမှ သိရသည်။

COVID-19 အသက်ရှူလမ်းကြောင်းဆိုင်ရာ ကူးစက်ရောဂါပြန့်ပွားမှု နှင့်ပတ်သက်၍ ကာကွယ် တုံ့ပြန်ရေးဆိုင်ရာ ပူးပေါင်းဆောင်ရွက်မှု တစ်ရပ်အနေဖြင့် ဗီယက်နမ်နိုင်ငံမှ မြန်မာနိုင်ငံသို့ အမေရိကန်ဒေါ်လာ ၅၀,ဝ၀ဝ (အမေရိကန်ဒေါ်လာ ငါးသောင်း) အား ပေးအပ်လှူဒါန်းသည့် အခမ်းအနားကို ၁၀-၄-၂၀၂၀ ရက်၊ နံနက် ၁၀:ဝ၀ နာရီအချိန်တွင် ဗီယက်နမ်ဆိုရှယ်လစ်သမ္မတနိုင်ငံ၊ ဟနွိုင်းမြို့ရှိ ဗီယက်နမ်နိုင်ငံခြားရေးဝန်ကြီးဌာန ရုံးအဆောက်အဦ၌ ကျင်းပပြုလုပ်ခဲ့ရာ ဗီယက်နမ် နိုင်ငံခြားရေးဝန်ကြီးဌာန၊ ဒုတိယဝန်ကြီး H.E. Mr. Nguyen Quoc Dung မှ အဆိုပါလှူဒါန်းငွေများကို လွှဲပြောင်းပေးအပ်ခဲ့ပြီး ဗီယက်နမ်နိုင်ငံဆိုင်ရာမြန်မာသံအမတ်ကြီးဦးကျော်စိုးဝင်းမှ လက်ခံရယူခဲ့ပါသည်။

ပြည်ပမှ ပြန်လည်ရောက်ရှိလာပြီး ဓမ္မရံသီ မိုးကုတ်ရိပ်သာကျောင်း ကိုဗစ် - ၁၉ စောင့်ကြပ် ကြည့်ရှု စင်တာတွင်ထားရှိသည့်  ၂၈၁ ဦး ၏ ၁၄ ရက်ပြည့် တွေ့ဆုံနှုတ်ဆက်ပွဲသို့ ဝန်ကြီးချုပ် ဦးဖြိုးမင်းသိန်းနှင့် တာဝန်ရှိသူများက ဧပြီ ၉ ရက် မွန်းလွဲ  ၃ နာရီတွင် သွားရောက်တွေ့ဆုံနှုတ်ဆက်ခဲ့သည်။

ရန်ကုန်အရှေ့ပိုင်းခရိုင်၊ သာကေတမြို့နယ် သာသနဗိမာန်မဟာသိမ်တော်ကြီးတွင် ဧပြီလ(၉)ရက် မွန်းလွဲ ၂ နာရီ၌ ရန်ကုန်အရှေ့ပိုင်းခရိုင်(၁၄)မြိုနယ်ရှိသံဃာတော်များနှင့် သာကေတမြို့နယ် COVID-19 ရောဂါတိုက်ဖျက်ရေးကော်မတီတို့အား  သုဓမ္မမဏိဇောတဓရ ဦးမောင်မောင်လေး၊ ဒေါ်မြင့်မြင့်ခိုင်(မောင်မောင်လေးနှင့််ညီများ အိမ်ဆောက်ပစ္စည်းရောင်းဝယ်ရေး) မိသားစုမှ  ကျပ်သိန်း (၄၀ဝ) လှူဒါန်းပွဲ အခမ်းအနားကို ကျင်းပခဲ့သည်။

ရခိုင်ပြည်နယ်ဝန်ကြီးချုပ် ဦးညီပုသည် ပြည်နယ်ဝန်ကြီးများ၊ ပြည်နယ်အစိုးရအဖွဲ့အတွင်းရေးမှူး၊ ဌာနဆိုင်ရာတာဝန်ရှိသူများလိုက်ပါလျက် ယနေ့နံနက်ပိုင်းက စစ်တွေမြို့ရှိ မြို့ပေါ်ရပ်ကွက်များတွင် ကိုဗစ်-၁၉ ရောဂါကာကွယ်ထိန်းချုပ်ရေးနှင့်စပ်လျဉ်း၍ အရေးကြီးကာလဖြစ်သည့် မဟာသင်္ကြန်ရုံးပိတ် ရက်ရှည်ကာလအတွင်း ပုံမှန်ဝင်ငွေမရှိသော အခြေခံလူတန်းစား အိမ်ထောင်စုများအတွက် အခြေခံစားကုန်(၅)မျိုး ထောက်ပံ့ပေးအပ်နေမှုအား သွားရောက်ကြည့်ရှုအားပေးစကားပြောကြားပြီး ဆန်၊ ဆီ၊ ဆား၊ ပဲနှင့် ကြက်သွန်များ ကိုယ်တိုင်ထောက်ပံ့ပေးအပ်သည်။

ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် UNICEF အဖွဲ့တို့ပူးပေါင်း၍ ရန်ကုန်တိုင်းဒေသကြီး၊ ရန်ကုန်တောင်ပိုင်း ခရိုင် အတွင်း ကိုဗစ်-၁၉ ရောဂါ ကြိုတင်ထိန်းချုပ်ကာကွယ်နိုင်စေနှင့် ကျေးလက် နေပြည်သူများ ပတ်ဝန်းကျင် သန့်ရှင်းရေးဆိုင်ရာ အလေ့အထကောင်းများ ကျင့်သုံးလာစေရန်ရည်ရွယ်၍ ခရိုင်အတွင်းရှိ ကျေးရွာ များနှင့် မြို့ပေါ်အတွင်းလိုအပ်သည့် နေရာများ တွင် အများပြည်သူ အသုံးပြုရန် လက်ဆေးဘေစင်နှင့်ဆက်စပ်ပစ္စည်း ၁၀၂ ခု ကို အထွေထွေအုပ်ချုပ်ရေးဦးစီးဌာန၊ ကိုဗစ်-၁၉ ရောဂါကာကွယ်ထိန်းချုပ်ရေးအဖွဲ့အစည်းများဖြင့် ညှိနှိုင်းဆွေးနွေးကာ လိုအပ်သည့်နေများတွင် တပ်ဆင်ဆောင်ရွက်ပေးလျက် ရှိကြောင်း ရန်ကုန်တောင်ပိုင်း ခရိုင်ကျေးလက်ဒေသဖွံ့ဖြိုးတိုးတက်ရေး ဦးစီးဌာနရုံးမှ သိရသည်။