မကွေးတိုင်းဒေသကြီး အစိုးရအဖွဲ့ (အောက်ထပ်) အစည်းအဝေးခန်းမ၌ တိုင်းဒေသကြီးအတွင်း COVID -19 အတွက် ထောက်ပံ့နိုင်ရေးနှင့် ပတ်သက်ပြီး ကုန်သည်/စက်မှုအသင်း၊ ဆန်/ဆီကုန်သည်ကြီးများအသင်းနှင့် မကွေးကုန်စည်ဒိုင်အသင်းများတို့အား တွေ့ဆုံ၍ ဆွေးနွေးပွဲတစ်ရပ်ကို ဧပြီ ၉ ရက် နံနက် ၁၀ နာရီက ပြုလုပ်ရာ COVID -19 ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ ဥက္ကဋ္ဌ တိုင်းဒေသကြီးဝန်ကြီးချုပ် ဒေါက်တာအောင်မိုးညိုက တွေ့ဆုံဆွေးနွေးခြင်းနှင့် ပတ်သက်၍ အမှာစကားပြောကြားခဲ့သည်။

ကိုဗစ်-၁၉ ရောဂါ ကာကွယ်ကုသရေး အထောက်အကူပြုပစ္စည်းများကို ကမ္ဘောဇဘဏ်က ပြည်နယ်နှင့် တိုင်းဒေသကြီးအသီးသီးသို့ နေ့စဉ်လှူဒါန်းလျက်ရှိရာ ကယားပြည်နယ်အတွက် ငွေကျပ် သိန်း ၉၀ဝ ကျော်တန်ဖိုးရှိ ဆေးရုံသုံးပစ္စည်းများနှင့် ဆန်အိတ် ၁၀ဝ၀ ကို ဧပြီ ၉ ရက် မွန်းလွဲ ၁ နာရီက ကယားပြည်နယ်အစိုးရအဖွဲ့ရုံး အစည်းအဝေးခန်းမတွင် ပေးအပ်လှူဒါန်းခဲ့သည်။

ကိုဗစ်-၁၉ ရောဂါ ကြိုတင်ကာကွယ်ရေးလုပ်ငန်းများ ဆောင်ရွက်ရာတွင် အသုံးပြုရန်အတွက် ဧရာဝတီတိုင်းဒေသကြီး၊ ပုသိမ်ခရိုင်၊ ကန်ကြီးထောင့်မြို့နယ် ပြည်သူ့ဆေးရုံသို့ World Vision Myanmar (ကန်ကြီးထောင့်)မှ PPE ဝတ်စုံ၊ Hand Gel နှင့် Mask များကို ဧပြီ ၉ ရက် မွန်းလွဲ ၂ နာရီက လာရောက်လှူဒါန်းကြောင်း သိရသည်။

ရှမ်းပြည်နယ်(အရှေ့ပိုင်း)အတွင်း ကိုဗစ်-၁၉ ရောဂါ ကာကွယ် ထိန်းချုပ် ကုသရေးလုပ်ငန်းများအတွက် အလှူငွေများပေးအပ်ပွဲကို ဧပြီ ၉ ရက် နံနက် ၁၀ နာရီက ပြည်နယ်ဒုတိယအထွေထွေအုပ်ချုပ်ရေး ဦးစီးဌာနရုံး၌ ပြုလုပ်သည်။

ဆန်၊ဆီ၊ ဆား၊ ပဲ၊ ကြက်သွန်နီ စသည့် အခြေခံစားသောက်ကုန်(၅)မျိုးကို မကွေးတိုင်းဒေသကြီးအတွင်းရှိ ပုံမှန်ဝင်ငွေမရှိသော အိမ်ထောင်စု(၃)သိန်းထံ ဖြန့်ဝေသွားမည်ဖြစ်ကြောင်း မကွေးတိုင်းဝန်ကြီးချုပ် ဒေါက်တာအောင်မိုးညို ထံမှ သိရသည်။ 

အီတလီနိုင်ငံမှာ ကိုရိုနာဗိုင်းရပ်စ် COVID-19 ရောဂါကူးစက်ခံရတဲ့ အသက် နှစ်လအရွယ် ကလေးငယ်ဟာ ပြန်လည်ကျန်းမာလာတဲ့အတွက် ဆေးရုံမှ ဆင်းခွင့်ရရှိကြောင်း ဒီနေ့ထုတ် သတင်းစာတွေမှာ ရေးသားထားပါတယ်။