၉ ဧပြီ

 

လစ်ဗျားနိုင်ငံတွင် ကိုရိုနာဗိုင်းရပ်စ် ကူးစက်ခံရသူ ခြောက်ဦး ပြန်လည်ကောင်းမွန်လာကြောင်း ကုလသမဂ္ဂကျောထောက်နောက်ခံ လစ်ဗျားအစိုးရ၏ ရောဂါထိန်းချုပ်ရေး အမျိုးသား စင်တာ က ယမန်နေ့က ပြောကြားခဲ့သည်။

ဘရာဇီးနိုင်ငံတွင် ကိုဗစ်-၁၉ ကူးစက်ရောဂါဖြစ်ပွားမှုကြောင့် ကူးစက်ခံရသူအရေအတွက် ၁၅၉၂၇ ဦး ရှိပြီး သေဆုံးသူ ၈၀၀ ရှိကာ သေဆုံးမှုနှုန်း ၅ ရာခိုင်နှုန်း ရှိကြောင်း ဘရာဇီးကျန်းမာရေးဝန်ကြီးဌာနက ယမန်နေ့က ပြောကြားခဲ့သည်။

မင်းဘူးခရိုင်၊ ငဖဲမြို့နယ်တွင် ကိုဗစ်-၁၉ ရောဂါကြိုတင်ကာကွယ်ရေးလုပ်ငန်းများကို အရှိန်အဟုန်ဖြင့် ဆောင်ရွက်လျက်ရှိရာ ရောဂါကာကွယ်ကုသရေးအတွက် အသုံးပြုနိုင်ရန် ဆောက်လုပ်ရေးဝန်ကြီးဌာန၊ လမ်းအထူး(၁၁)အဖွဲ့ မင်းဘူးမြို့မှ လုပ်ငန်းသုံးပစ္စည်းများကို ယမန်နေ့ နံနက် ၁၀ နာရီက မြို့နယ်အထွေထွေ အုပ်ချုပ်ရေး ဦးစီးဌာနရုံးသို့ လာရောက် လှူဒါန်းခဲ့သည်။

ညောင်တုန်းမြို့နယ် ဌာနဆိုင်ရာများ၊ အလှူရှင်များ/စေတနာရှင်တစ်စု၏ "မျှဝေခြင်း" ကုသိုလ်အဖြစ် မြို့နယ်အတွင်းရှိ အနှေးယာဉ် လုပ်သားများနှင့် မြို့နယ်စည်ပင်မှ သန့်ရှင်း/ သာယာ/ လှပရေး ဝန်ထမ်းငယ်များအား ဆန်၊ ဆီ အပါ အဝင် စားသောက်ကုန်ပစ္စည်း ခြောက်မျိုးကို ယနေ့ နံနက် ၇ နာရီက မြို့နယ် စည်ပင်သာယာရေးအဖွဲ့ရုံးရှေ့တွင် လှူဒါန်းပေးခဲ့သည်။