ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် ယူနီဆက်တို့ပူးပေါင်းကာ ကျေးလက်နေပြည်သူများ ပတ်ဝန်းကျင် သန့်ရှင်းရေးဆိုင်ရာအလေ့အထများ ကျင့်သုံးလာစေရန်နှင့် ကိုရိုနာဗိုင်းရပ်စ်ရောဂါ ကိုဗစ်-၁၉ ထိန်းချုပ်ကာကွယ်နိုင်စေရန် ရည်ရွယ်၍ တိုင်းဒေသကြီးအတွင်းရှိ ကျေးရွာ(၉၀)ကျော်၌ အများသုံးလက်ဆေးစင်များအား ကျေးရွာအရောက် တပ်ဆင်ဆောင်ရွက်ပေးလျက်ရှိကြောင်း မကွေးတိုင်းဒေသကြီး ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ သိရသည်။

ရှမ်းပြည်နယ်(အရှေ့ပိုင်း)၊ မိုင်းဖြတ်မြို့နယ်တွင် ကိုဗစ်-၁၉ ကူးစက်မြန်ရောဂါ ကာကွယ်ထိန်းချုပ် ရေးလုပ်ငန်းများတွင် အသုံးပြုနိုင်ရန်အတွက် ကျပ် ၃၂၅၁၀ဝ၀ တန်ဖိုးရှိ လုပ်ငန်းသုံးပစ္စည်းများ ပေးအပ်လှူဒါန်းပွဲကို ဧပြီ ၆ ရက်နေ့ နံနက် ၁၀ နာရီက မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။

မိတ္ထီလာမြို့ ကြက်ခြေနီသူနာပြုတပ်ဖွဲ့တွင် အဖွဲ့၏ရန်ပုံငွေဖြင့် ကြီးကြပ်မှုကော်မတီနှင့်တိုင်ပင်၍ဝယ်ယူထားသည့် ကိုဗစ်-၁၉ ရောဂါကာကွယ်ရေးဝတ်စုံ ၆ စုံသာရှိပြီး တစ်ခါသုံးလက်အိတ်များ၊     Face Mask နှာခေါင်းစည်းများနှင့် အခြားအထောက်အကူပြုပစ္စည်းများ လိုအပ်လျက်ရှိကြောင်း သိရသည်။

ညောင်ရွှေမြို့နယ်အတွင်း အဓိကဝင် ရောက်နိုင်သည့် နေရာများဖြစ်သည့် မြို့အဝင်(ရွှေညောင်)၊ မြို့အဝင်(အေးသာယာ)၊ ပေါင်းပိုင်း (တောင် ပို့ကြီး)လမ်း၊ ကျွန်းတောင်-ကျောက်တလုံးလမ်း၊ မှော်ဘီအဝိုင်းပတ် လမ်းဆုံ၊ အင်းတိန်-အောင်ပန်းလမ်းတို့မှ ဝင်ရောက်လာသူများအားလုံးကို ဧပြီ ၆ ရက် နံနက်ပိုင်းမှစတင်၍ ကိုယ်အပူချိန်တိုင်းတာခြင်းနှင့် ကျန်းမာရေး စစ်ဆေးမှုများ ဆောင်ရွက်

မိတ္ထီလာမြို့နယ်၌ မီးသတ်ဦးစီးဌာနမှ ကိုဗစ်-၁၉ မဖြစ်ပွားစေရေးအတွက် မြို့ပေါ်ရှိ လူစည် ကားရာ နေရာများတွင် ကလိုရင်းဆေးဖျန်းခြင်းလုပ်ငန်းများကို ဧပြီလ  ၅ ရက်နေ့က ဆောင်ရွက်ခဲ့ကြောင်း သိရသည်။

စစ်ကိုင်းတိုင်းဒေသကြီး၊ ကောလင်းမြို့နယ်တွင် ကိုဗစ်-၁၉ ရောဂါကြိုတင်ကာကွယ်နိုင်ရန် ရည်ရွယ်၍ လူမှုရေးအသင်းအဖွဲ့များနှင့် ဒေသခံအလှူရှင်များပူးပေါင်း၍ Mask အခု (၂၀ဝ၀)၊ လက်သန့်ဆေးဘူး(၅၀ဝ)၊ လက်ကမ်းစာစောင် (၅၀ဝ)နှင့် လက်အိတ်(၁၀ဝ၀)ကို ပြည်သူများထံ အခမဲ့ဖြန့်ဝေပေးခဲ့ကြောင်း သိရသည်။