မွန်ပြည်နယ်၊ မုဒုံမြို့နယ်အတွင်း ကိုဗစ်-၁၉ ကူးစက်ရောဂါကာကွယ်နိုင်စေရန် တစ်ကိုယ်ရည်ကာကွယ်ရေး ဝတ်စုံကိုစနစ်တကျ ဝတ်ဆင်နည်း၊ ချွတ်နည်း၊ M-95 တပ်ဆင်နည်း များကိုယမန်နေ့ နေ့လယ် ၂ နာရီက မုဒုံမြို့နယ်ဆေးရုံဝင်းအတွင်းရှိ သံဃာဆောင်၌ စနစ်တကျလက်တွေ့ သင်ကြားပို့ချပေးခဲ့သည်။  

ကိုဗစ်-၁၉ ကာကွယ်ထိန်းချုပ်ရေးလုပ်ငန်းကို သံဖြူဇရပ်မြို့နယ်အတွင်း အရှိန်အဟုန်မြှင့် ဆောင်ရွက်လျက်ရှိရာ မြို့တွင်းလမ်းမကြီးဖြစ်သည့် အောင်ဆန်းလမ်းမကြီးတစ်လျှောက်အား ဆပ်ပြာရေဖြင့်ပက်ဖျန်းပြီး ရေဖြင့်ဆေးကြောသန့်ရှင်းရေးကို ဧပြီ ၁ ရက် ည ၈ နာရီမှ စတင်ကာ မြို့နယ်စည်ပင်သာယာရေးအဖွဲ့မှ ရေသယ်ယာဉ်နှစ်စီးဖြင့် စည်ပင်ဝန်ထမ်းများမှ ဆောင်ရွက်ကြသည်။

ဧရာဝတီတိုင်းဒေသကြီး၊ဟင်္သာတခရိုင်၊အင်္ဂပူမြို့ မြန်မာ့စီးပွားရေး ဘဏ်(ခွဲ)တွင် ဧပြီ ၂ ရက်နေ့နံနက်ပိုင်းက နည်းလမ်း မှန်လက်ဆေးခြင်းကို သရုပ်ပြဆောင်ရွက်ခဲ့သည်။

အမှတ်(၇၇)ခြေမြန်တပ်မဌာနချုပ်ပဲခူးတပ်နယ်မှ တပ်မတော်သားများသည် ပဲခူးမြို့ပေါ်လူစည်ကားရာ နေရာအချို့တွင် ယနေ့နံနက်ပိုင်းက ကိုဗစ်-၁၉ ရောဂါဖြစ်ပွားမှုမရှိစေရန် ပိုးသတ်ဆေးဖျန်းပေးခြင်းများ ပြုလုပ်ကြသည်။

ကချင်ပြည်နယ်၊ တနိုင်းမြို့နယ် ကိုဗစ်-၁၉ ကူးစက်ရောဂါထိန်းချုပ်နိုင်ရေး စောင့်ကြည့်လူနာ ၁၀၀ ထားရှိရန် အထက(၁)ကျောင်းနေရာအားကြိုတင်ပြင်ဆင်

မကွေးတိုင်းဒေသကြီး၊ မင်းဘူးမြို့ အဝေးပြေးယာဉ်ရပ်နားကွင်းတွင် ကိုဗစ်-၁၉ ရောဂါကာကွယ်ရေးအတွက် အသိပညာပေးခြင်းနှင့် ပိုးသတ်ဆေးဖျန်းခြင်းလုပ်ငန်းများ ဆောင်ရွက်ခြင်းကို  ယမန်နေ့ မွန်းလွဲ ၂ နာရီ အချိန်က ဆောင်ရွက်ခဲ့ကြောင်း သိရှိရသည်။