ကိုဗစ်-၁၉ရောဂါကာကွယ်ရေးနှင့် ပင်စင်စားများအတွက် ငွေကြေးလုံခြုံရေးလုပ်ငန်းများကို  မြန်မာ့စီးပွားရေးဘဏ် မုံရွာဘဏ်ခွဲ၏ မြောက်ဘက် သစ်စက်ဝန်းအတွင်း ပင်စင်စားများအား ပင်စင် ထုတ်ပေးရာတွင် အစုလိုက်လစာထုတ်ပေးခြင်းခွင့်မပြုဘဲ၊ လူစုခွဲ၍ ပင်စင်လစာများ ထုတ်ပေး လျက်ရှိပါ ကြောင်း မုံရွာ မြန်မာ့စီးပွားရေးဘဏ် ခရိုင်မန်နေဂျာ ဒေါ်ယဉ်ယဉ်စိုး ကပြောကြားသည်။ 

စစ်ကိုင်းတိုင်းဒေသကြီး အစိုးရအဖွဲ့၏စီမံမှုအရ မုံရွာမြို့တွင် ကိုဗစ်-၁၉ရောဂါကာကွယ်ရန် အတွက် တိုင်းဒေသကြီး ရုံးအဆောက်အဦများကို   ယနေ့နံနက်ပိုင်းတွင် ပိုးသတ်ဆေးဖျန်းခြင်း လုပ်ငန်း များဆောင်ရွက်ခဲ့သည်။ 

ကချင်ပြည်နယ် ပူတာအိုခရိုင် မချမ်းဘော့မြို့နယ်တွင် ကိုရိုနာဗိုင်းရပ်စ်ရောဂါ ကာကွယ်ထိန်းချုပ် ကုသရေး လုပ်ငန်ကော်မတီကဦးဆောင်မှုဖြင့် လတ်တလောအသက်ရှူလမ်းကြောင်းဆိုင်ရာ ကူးစက်မြန် ရောဂါနှင့်ပတ်သက်၍ ပြည်သူများ ကျယ်ကျယ်ပြန့်ပြန့်သိရှိပြီး ဆောင်ရန် ရှောင်အချက်များကို လိုက်နာလာစေရန်အတွက် အသိပညာပေး ဗီနိုင်းပိုစတာစိုက်ထူခြင်းနှင့်လက်ကမ်းစာစောင်များဖြန့်ဝေခြင်းကို ဧပြီ(၁)ရက် နံနက်(၆) နာရီက မချမ်းဘော့မြို့ မြို့မဈေးရှေ့၌ ပူးပေါင်းဆောင်ရွက်ခဲ့ကြောင်းသိရသည်။

ချင်းပြည်နယ် ကိုဗစ်-၁၉ ရောဂါ ကာကွယ်၊ထိန်းချုပ်၊ကုသနိုင်ရေး လုပ်ငန်းများ အရှိန်အဟုန်မြှင့် ဆောင် ရွက်လျက်ရှိသည့်နည်းတူ ပြည်နယ်အတွင်း ကိုဗစ်-၁၉ရောဂါနှင့်ပတ်သက်၍ ပြည်သူများအား သတင်း အချက်အလက်များထုတ်ပြန်ပေးနိုင်ရေး၊ ကိုဗစ်-၁၉ ရောဂါကာကွယ်၊ထိန်းချုပ်၊ကုသနိုင်ရေး လုပ်ငန်းများတွင် ပြည်သူများ ပူးပေါင်းပါဝင်လာနိုင်စေရန် ဒေသတွင်း သတင်းမီဒီယာများကတစ်ဆင့် နှိုးဆော်ပေးနိုင်ရေး ချင်းပြည်နယ် ကိုဗစ်-၁၉ရောဂါ ကာကွယ်၊ထိန်းချုပ်၊ကုသနိုင်ရေးလုပ်ငန်း ကော်မတီ ဝင်များနှင့် ဒေသတွင်းသတင်းမီဒီယာများတွေ့ဆုံပွဲကို မတ်လ၃၁ ညနေ ၆ နာရီအချိန်က ချင်းပြည်နယ် အစိုးရအဖွဲ့ရုံး ပြည်နယ်လူမှုရေးဝန်ကြီးရုံးခန်း၌ ပြုလုပ်ခဲ့ကြောင်း သိရှိရသည်။

လမ်းမတော်မြို့နယ် UMFCCI ကုန်သည်စက်မှုအသင်းချုပ်ရုံးတွင် ချေးငွေစတင်လက်ခံသည့် ပထမနေ့နှင့် ဒုတိယနေ့တွင် လျှောက်လွှာထုတ်ယူခြင်းနှင့်လာရောက်စုံစမ်းမေးမြန်းသူဦးရေ (၁၅၄)ဦး၊ အချက်အလက် ပြည့်ပြည့်စုံစုံနှင့် လျှောက်လွှာတင်ခဲ့သူ ၅၀ ရှိခဲ့သည်။     ဦးစားပေးကုစား ရမည့် ကဏ္ဍများဖြစ်သည့် CMP လုပ်ငန်း၊ ဟိုတယ်နှင့်ခရီးသွားလုပ်ငန်း၊ SME ကုန်ထုတ် လုပ်ငန်းများမှ လာရောက်လျှောက်ထားခဲ့ကြသည်။