ရန်ကုန်မြောက်ပိုင်းခရိုင်၊အင်းစိန်မြို့နယ်၊ အထွေထွေရောဂါကုဆေးရုံကြီးမှ သမားတော်ကြီးများ ဦးဆောင်၍ ကိုဗစ်-၁၉ ရောဂါကာကွယ်ကုသရေးအတွက် (ယာယီ)ကျန်းမာရေးစစ်ဆေးမှုဌာနသို့ အင်းစိန်မြို့နယ်၊လွှတ်တော်ကိုယ်စားလှယ်များသည် ယနေ့ နံနက် ၁၀ နာရီက လာရောက်ကြည့်ရှုခဲ့သည်။

ချင်းပြည်နယ်၊ ဖလမ်းခရိုင်၊ ရိခေါ်ဒါရ်မြို့၌ တရုတ်နိုင်ငံမှ ပြန်လည်ရောက်ရှိလာသူ အမျိုးသားလူငယ် ငါးဦးတို့သည် ဧပြီ ၅ ရက်၌ ရိခေါ်ဒါရ်မြို့သို့ ရောက်ရှိလာကြပြီး အမှတ်(၂) ရပ်ကွက်ရှိ အခြေခံပညာအထက်တန်း ကျောင်းခွဲ၌ Community Based Facility Quarantine စောင့်ကြည့်ခြင်း ခံယူဆောင်ရွက်လျက်ရှိကြောင်း သိရသည်။

မကွေးတိုင်းဒေသကြီး ချောက်မြို့နယ် ကုတင်(၅၀) ပြည်သူ့ဆေးရုံသို့ ချောက်မြို့နယ် ကိုဗစ် - ၁၉ ရောဂါ ကာကွယ်ထိန်းချုပ်ကုသရေးကော်မတီမှ အရေးပေါ်သုံးစွဲနိုင်ရန်  Oxygen Concentrator စက်နှစ်လုံးကို ယင်းဆေးရုံရှေ့၌ ယနေ့မနက် ၈ နာရီခွဲက ပေးအပ်လှူဒါန်းခဲ့သည်။

စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့နယ်ပြည်သူ့ဆေးရုံ၌ ကိုဗစ်-၁၉ ရောဂါကြိုတင်ကာကွယ် ထိန်းချုပ်ရန်အတွက် အသုံးပြုနိုင်ရန် PPE ဝတ်စုံနှင့် ဆက်စပ်ပစ္စည်းများလှူဒါန်းခြင်းကို ဧပြီ  ၆ ရက် နံနက် ၁၁ နာရီက ပြည်သူ့ဆေးရုံ အစည်းအဝေးခန်းမတွင် လှူဒါန်းခဲ့သည်။

နိုင်ငံရပ်ခြားမှ ပြန်လာပြီး မကွေးမြို့တွင် ကျန်းမာရေးစောင့်ရှောက်မှုခံယူနေသူများရှိရာ Quarantine Camp (၃)ခုထဲမှ စွန့်ပစ်အမှိုက်များကို သိမ်းဆည်း၍ မကွေးမြို့ရှောင်လမ်းရှိ အမှိုက်ကျင်း၌ မီးရှို့ဖျက်ဆီးမှုများ လုပ်ဆောင်နေကြောင်း မကွေးမြို့နယ် စည်ပင်သာယာရေးအဖွဲ့မှ သိရသည်။ 

တနင်္သာရီတိုင်းဒေသကြီး တနင်္သာရီမြို့နယ် တကူကျေးရွာ စံပြတိုက်နယ်ဆေးရုံနယ်မြေတွင် ကိုဗစ်-၁၉ ရောဂါ ကူးစက်ပြန့်ပွားမှုမဖြစ်ပွားစေရေးအတွက် ကြိုတင်ကာကွယ်ရေးအဖြစ် ထိုင်းနိုင်ငံမှ နေရပ်သို့ပြန်လည် ရောက်ရှိသူများ၊ ခရီးသွားပြည်သူများ(၂၉)ဦးအား (Community Based Facility Quarantline) ပြည်သူလူထု၏ ဝိုင်းဝန်းပူးပေါင်းကူညီစောင့်ရှောက်ပေးမှုဖြင့် (Facility quranantine Centre)ကို အထက-တကူကျောင်းဆောင်တွင် (၂၀-၃-၂၀၂၀) ရက်နေ့မှစတင်၍ အသွားအလာကန့်သတ်နေရာအဖြစ် (၁၄)ရက် ထားရှိခဲ့သည်။