ကျောက်မဲမြို့ အမှတ်(၄)ရပ်ကွက်၊ နယ်မြေ(၂) ဦးရှမင်းပိုင် (၅၅)နှစ် ငှါးရမ်းဖွင့်လှစ်ထားသော တက်နေဝင်း လ္ဘက်ရည်ဆိုင်ရှိ မီးအားမြှင့်စက်မှ အပူလွန်ကဲပြီး မေ ၆ ရက် မွန်းလွဲ ၁ နာရီခန့်က မီးလောင်မှုဖြစ်ပွားကြောင်း သတင်းရရှိသည်။

ဒေါ့ဖုန်းယန်နယ်မြေရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မေ ၃ ရက် ည ၇ နာရီခွဲက  မိုးမောက်မြို့နယ်၊ မြစ်ကြီးနား-ဗန်းမော်သွား ကားလမ်းနှင့် ဒေါ့ဖုန်းယန်-ကုန်းလောသွားကား လမ်းဆုံတွင် ခရီးသည်တင် မော်တော်ယာဉ်အား ရပ်တန့်ရှာဖွေရာ မဘောက်ဆန်နှင့် မခွန်မိုင်တို့၏ ခရီးဆောင်အိတ်များအတွင်းမှ ဘိန်းဖြူ သုည ဒသမ ၄၃ ကီလို သိမ်းဆည်းရမိခဲ့သည်။