ဧရာဝတီတိုင်းဒေသကြီး၊ ရေကြည်မြို့နယ်၊ ကညင်ငူကျေးရွာအုပ်စု၊ ကမ်းနားတန်းတွင် ငဝန်မြစ် ကမ်းပါး  ကွဲအက်လာသဖြင့်  ဖေဖော်ဝါရီ ၃ ရက် နံနက်ပိုင်းက အိမ်လေးလုံးကို ဘေးလွတ်ရာသို့ ကြိုတင်ပြောင်းရွေ့ပေးခဲ့ကြောင်း သိရသည်။

မကွေးတိုင်းဒေသကြီး လူမှုဖူလုံရေးရုံးတွင် ကိုဗစ်−၁၉ ကာလအတွင်း ကျွမ်းကျင်မှုဆိုင်ရာ စစ်ဆေးရေး အဖွဲ၏ စစ်ဆေးခံရန် ခေတ္တပိတ်ထားသည့် စက်ရုံ၊ အလုပ်ရုံ၊ အလုပ်ဌာနများမှ အာမခံအလုပ်သမားများ အတွက် သဘာဝဘေးအန္တရာယ် ထောက်ပံ့ကူညီမှု အကျိုးခံစားခွင့်  ၄၀ ရာခိုင်နှုန်းကို ဖေဖော်ဝါရီ ၃ ရက် နံနက် (၁၀)နာရီက ထောက်ပံ့ပေးအပ်သည်။

စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ၊ ပန်ဆောင်မြို့သည် တောင်ပေါ်ဒေသဖြစ်ပြီး အဓိကတစ်ပိုင်တစ်နိုင် လုပ်စားလျက်ရှိရာ စီးပွားရေးလုပ်ငန်းများ အဆင်ပြေလျက်ရှိကြောင်း သိရသည်။

ရှမ်းပြည်နယ်(တောင်ပိုင်း) ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ နန်းပုလင်းကျေးရွာ အုပ်စု၊ စင်းစုတ်ကျေးရွာသို့ နောင်တရားမီးသတ်ဦးစီးဌာနမှ  ဖေဖော်ဝါရီ  ၃ ရက် နံနက်ပိုင်းက သောက်သုံးရေများ သွားရောက်လှူဒါန်းသည်။

မြန်မာ့သနပ်ခါးနေ့အဖြစ် တပို့တွဲလပြည့် (ဖေဖော်ဝါရီလ ၂၆ရက်)နေ့တွင်  မြို့နယ်ငါးမြို့နယ်ဖြစ်သည့် အရာတော်၊ ရွှေဘို၊ ရေစကြို၊ မြိုင်နှင့် ပေါက်မြို့နယ်တို့တွင် ကျင်းပသွားမည်ဖြစ်ကြောင်း  မြန်မာနိုင်ငံသနပ်ခါးအသင်း ဥက္ကဋ္ဌ ဦးကျော်မိုး(အရာတော်)ထံမှ သိရသည်။