ကိုဗစ်-၁၉ ရောဂါ ကာကွယ်ထိန်းချုပ်တိုက်ဖျက်ရေးလုပ်ငန်းများ ဆောင်ရွက်ရာတွင် အသုံးပြုရန်အတွက် Posco International Myanmar မှ Covid-19 Diagnastic Reagents ဆေးဘက်ဆိုင်ရာ ပစ္စည်းများ ကျန်းမာရေးနှင့် အားကစား ဝန်ကြီးဌာနသို့ ပေးအပ်လှူဒါန်းပွဲကို ယနေ့ နံနက် ၁၀ နာရီတွင် ရန်ကုန်တိုင်းဒေသကြီး ဒဂုံမြို့နယ်ရှိ ဆေးသုတေသနဦးစီးဌာန  ရန်ကုန်ရုံးချုပ်၌ ကျင်းပသည်။

ဧရာဝတီတိုင်းဒေသကြီး ပုသိမ်မြို့တွင် ကိုဗစ်-၁၉ ရောဂါ ကာကွယ်ရေးအတွက် အမှတ်(၆) နယ်မြေရှိ အောင်သီရိ(ကုလားကုန်း)စျေးကို လူစုလူဝေး မဖြစ်ပေါ်စေရန် ကုသိနာရုံဘုရားဝန်အတွင်းသို့ ပြောင်းရွှေ့ကာ ဧပြီ ၁၇ ရက်နေ့ မနက်ပိုင်းတွင် စတင်ဖွင့်လှစ်ရောင်းချခဲ့သည်။

ကိုဗစ်-၁၉ ရောဂါကာကွယ်ရေးတွင် လူစုလူဝေး မဖြစ်ပေါ်စေရေးအတွက် နောင်တရားမြို့ ငါးရက်တစ်စျေး စျေးကြီးရက်များကို ပိတ်ထားပြီး စားသုံးသူများ၊ စျေးရောင်းစျေးဝယ်များ အခက်အခဲ မဖြစ်ပေါ်စေရေး ယာယီစျေးကို နောင်တရား မြို့မစျေးသစ်ကြီး၌ ဖွင့်လှစ်မည်ဖြစ်သည်။

မကွေးတိုင်းဒေသကြီး၊ မကွေးမြို့နယ်တွင် ဧပြီ ၁၆ ရက် ညနေပိုင်းက လေပြင်းတိုက်ခတ်မှု ဖြစ်ပွားခဲ့သဖြင့် လေဘေးသင့်အိမ်ထောင်စု ၂၃၀ အတွက် ထောက်ပံမှုများ လုပ်ဆောင်ထားကြောင်း တိုင်းဒေသကြီး ဘေးအန္တရာယ် စီမံခန့်ခွဲမှုဦးစီးဌာနမှ သိရသည်။

ရှမ်းပြည်နယ်အစိုးရအဖွဲ့ ဝန်ကြီးချုပ် ဒေါက်တာလင်းထွဋ်နှင့် အစိုးရအဖွဲ့ဝင်ဝန်ကြီးများက ကိုဗစ်-၁၉ ရောဂါ ကာကွယ်ရေး အထောက်အကူပြု ပစ္စည်းများနှင့် ထောက်ပံ့ငွေလှူဒါန်းခြင်းကို ယနေ့ နံနက်ပိုင်းက မိုင်းယန်းမြို့နယ် မြို့နယ်ပြည်သူ့‌ဆေးရုံ၌ လှူဒါန်းခဲ့သည်။