မန္တလေးမြို့တော်ဝန် မီနီမာရသွန်ပြိုင်ပွဲ(၂၀၂၀)ကို ဇန်နဝါရီ၄ရက်(လွတ်လပ်ရေးနေ့)တွင် ကျင်းပမည် ဖြစ်ပြီး ပြိုင်ပွဲတွင် အမျိုးသား၊ အမျိုးသမီးအလွတ်တန်း၊ အမျိုးသား အမျိုးသမီး လူသစ်တန်း ပြိုင်ပွဲများ ထည့်သွင်းယှဉ်ပြိုင်မည်ဖြစ်သည်။ပြိုင်ပွဲအား မန္တလေးမြို့တော် စည်ပင်သာယာရေးကော်မတီရုံးရှေ့မှ နံနက် ၆ နာရီခွဲတွင် တာလွှတ်၍ ၂၆လမ်းအတိုင်း လမ်း၈၀အထိ၊ ၎င်းမှလမ်း၈၀အတိုင်း ၁၂လမ်းအထိ၊ ၎င်းမှ ၁၂လမ်းအတိုင်း ၇၃လမ်းအထိ၊ ၇၃လမ်းမှမန္တလေးတောင်ပတ်လမ်း၊ ၁၀လမ်းမှ အရှေ့သို့ ၆၂ လမ်းအထိ၊ ၆၂ လမ်းအတိုင်း ငုရွှေဝါလမ်းအထိ၊ ငုရွှေဝါလမ်းမှ ၆၈ လမ်းအထိ၊ ၆၈ လမ်းအတိုင်း မန္တလာသီရိ အားကစားကွင်းအထိ ၁၃မိုင်ခန့် ပြေးလမ်းသတ်မှတ်ထား

တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့၊ ဆိပ်ငယ်ရပ်ကွက်ရှိစည်ပင်သာယာရေးအဖွဲ့ပိုင်ဆိပ်ငယ်ဈေးကြီးကို ၂၀၁၉- ၂၀၂၀ ဘဏ္ဍာ ရေးနှစ်၊ စည်ပင်သာယာရေးဘတ်ဂျက်မှခွင့်ပြုငွေကျပ်(၄၉၂ ဒသမ ၅)သန်းဖြင့် အကြီးစား ပြုပြင်ဆောင်ရွက်သွားမည်ဖြစ်ကြောင်း မြို့နယ်စည်သာယာရေးကော်မတီထံမှသိရသည်။

ဂန့်ဂေါခရိုင် ထီးလင်းမြို့၌ (၃၉)ကြိမ်မြောက် ရာဇမုနိစေတီတော် ဗုဒ္ဓပူဇနိယပွဲတော်ကို ၁၃၈၁ ခုနှစ်၊ ပြာသိုလဆန်း ၁၃ ရက်မှ ၁၅ ရက်(လပြည့်နေ့)အထိ ပြုလုပ်ကျင်းပသွားမည်ဖြစ်ရာ ယခုအခါ ဈေးဆိုင်ခန်းနေရာများ သတ်မှတ်ချထားပေးလျက်ရှိသည်။

စစ်ကိုင်းတိုင်းဒေသကြီး၊ ရွှေဘိုခရိုင် ပြန်ကြားရေးနှင့် ပြည်သူ့ဆက်ဆံရေးဉီးစီးဌာနနှင့် စာအုပ်စာစောင် ချစ်မြတ်နိုးသူအသင်းတို့ပူးပေါင်း၍ စာရေးဆရာ ဆူးငှက်၏ လူငယ်တွေဖတ်ဖို့ လူငယ်အတွေးစာစုများ စာအုပ်စာဖတ်ဝိုင်းကို ယနေ့နံနက် ၁၀  နာရီအချိန်က ရွှေဘိုခရိုင်၊ ပြန်ကြားရေးနှင့် ပြည်သူ့ဆက်ဆံရေးဉီးစီးဌာန၊ Community Center ခန်းမတွင် ကျင်းပခဲ့သည်။