ပညာရေးဝန်ကြီးဌာနမှ ကိုဗစ်-၁၉ ကာကွယ်၊ ထိန်းချုပ်၊ ကုသရေး လုပ်ငန်းများအတွက် အထောက်အကူပြု စက်ပစ္စည်းများကို ယနေ့ နံနက်ပိုင်းတွင် နေပြည်တော်ရှိ ကျန်းမာရေးနှင့် အားကစားဝန်ကြီးဌာန အစည်းအဝေး ခန်းမ၌ လာရောက်လှူဒါန်းရာ ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေး လက်ခံ ရယူသည်။

အဆင့်မြင့် ဈေးချိုတော်ရှိ ဆိုင်ခန်းများမှ ဆေးဝါးနှင့် စားသောက်ကုန်စည်များကို လူစုလူဝေး မဖြစ်စေရန် စနစ်တကျဖြင့် နံနက် ၁၀ နာရီခွဲမှ စတင်ထုတ်ပေးကာ ဆိုင်ခန်းတစ်ခန်းလျှင် ထုတ်ယူခွင့် နာရီဝက် သတ်မှတ်ပေးထားကြောင်း၊ ပစ္စည်းများသယ်ယူရန် ဆိုင်ခန်းပိုင်ရှင်နှင့် အကူအလုပ်သမားတစ်ဦးသာ ဝင်ရောက်၍ သယ်ယူခွင့် ပေးထားကြောင်း သိရသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ ဝင်းမြတ်အေးသည် ဘင်္ဂလားပင်လယ်အော် အရှေ့တောင်ပိုင်းနှင့် ယင်းနှင့် ဆက်စပ်လျှက်ရှိသော ကပ္ပလီ ပင်လယ်ပြင်တွင် ဧပြီ ၂၈ မှ ၃၀ ရက်အတွင်း ဖြစ်ပေါ်နိုင်သည့် လေဖိအားနည်းရပ်ဝန်းနှင့် စပ်လျဉ်းသည့် ခန့်မှန်းချက်များအား ဆန်းစစ်နိုင်ရန်နှင့် ကြိုတင်ဆောင်ရွက်နိုင်ရန် ဝန်ကြီးဌာန၏ အရေးပေါ်အခြေအနေ စီမံခန့်ခွဲမှု ဗဟိုဌာန (EOC)၌ ယနေ့ နံနက်ပိုင်းတွင် ဒုတိယဝန်ကြီး ဦးစိုးအောင်၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန ညွှန်ကြားရေးမှူးချုပ်၊ တာဝန်ရှိသူများနှင့် တွေ့ဆုံသည်။

ကိုဗစ်-၁၉ ရောဂါ တုံ့ပြန်ဆောင်ရွက်ရာတွင် စနစ်တကျ ပါဝင်ဆောင်ရွက်နိုင်ရန် စေတနာ့ဝန်ထမ်း (Volunteer) များကို လေ့ကျင့်သင်ကြားပေးရေးနှင့် ပတ်သက်၍ စေတနာ့ဝန်ထမ်းသင်တန်း လက်စွဲစာအုပ်ပြုစုရန် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးသည် မြန်မာနိုင်ငံဆရာဝန်အသင်း အသင်းဥက္ကဋ္ဌ၊ ဒုတိယဥက္ကဋ္ဌများ၊ ဘာသာရပ်ဆိုင်ရာ ဆရာ၊ ဆရာမကြီးများနှင့် ဧပြီ ၂၅ ရက် ညနေပိုင်းက Video Conference ဖြင့် ညှိနှိုင်းဆွေးနွေးခဲ့သည်။

မြန်မာ Pool ကစားသမား ဘုန်းမြင့်ကျော် (ခ) အားတီ (ခ) မောင်မောင်သည် Chinese 8 Ball ပြိုင်ပွဲတွင် ဝင်ရောက် ယှဉ်ပြိုင်မည်ဖြစ်ပြီး ပထမပွဲစဉ်ကို ဧပြီ ၂၈ ရက် (ယနေ့) ယှဉ်ပြိုင်ကစားရမည်ဖြစ်သည်။

ထိုင်းနိုင်ငံမှ မြန်မာရွှေ့ပြောင်းလုပ်သားများအနေဖြင့် ယခု မေလ ပထမပတ်မှစပြီး မြန်မာနိုင်ငံသို့ ပြန်လည်ဝင်ရောက်လာ မည်ဖြစ်ရာ ၎င်းတို့အား ၂၁ ရက် အသွားအလာ ကန့်သတ်စောင့်ကြည့်ရန်အတွက် စခန်း ၁၀ ခု ကြိုတင်ပြင်ဆင်ထားရှိပြီး ဖြစ်ကြောင်း မြဝတီခရိုင်အုပ်ချုပ်ရေးမှူး ဦးတေဇာထံမှ သိရသည်။