COVID-19 ကြောင့် ဖြစ်ပေါ်လာနိုင်သည့် စီးပွားရေး သက်ရောက်မှုများအပေါ် ကုစားရေး လုပ်ငန်းကော်မတီအစည်းအဝေး (၂/၂၀၂၀) ကို ယနေ့နံနက်ပိုင်းတွင် ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေး ဝန်ကြီးဌာန၌ ကျင်းပသည်။

အလုပ်အကိုင်အခွင့်အလမ်းများ တိုးတက်စေရန် အလုပ်အကိုင်အခွင့်အလမ်းပြပွဲများ ကျင်းပလျက်ရှိရာ လာမည့် မတ် ၂၅ ရက်တွင် ရှမ်းပြည်နယ် တာချီလိတ်မြို့၌ ကျင်းပရန်ရှိသည့် အလုပ်အကိုင်အခွင့်အလမ်းပြပွဲအား ရွှေ့ဆိုင်းလိုက်ကြောင်း သိရှိရသည်။

COVID-19 ရောဂါ ဖြစ်ပွားပျံ့နှံ့မှု ကြိုတင်ကာကွယ် တားဆီးနိုင်ရေးအတွက် ရွှေတိဂုံစေတီတော် ၀တ္ထုကံမြေအတွင်းရှိ ဘုန်းကြီးကျောင်း၊ သီလရှင်ကျောင်း၊ ဇရပ်၊ ဓမ္မာရုံများတွင် တရားစခန်းများကျင်းပခြင်း၊ စုပေါင်း ဒုလ္လဘ ရဟန်းခံပွဲများကျင်းပခြင်း၊ အနယ်နယ်အရပ်ရပ်မှ လာရောက်ကြသည့် ဆရာတော် သံဃာတော်များနှင့်  သီလရှင်များ သီတင်းသုံးနေထိုင်ခြင်း၊ လူစုလူဝေးဖြင့် စတုဒိသာ ကျွေးမွေးလှူဒါန်းခြင်းများကို ကျန်းမာရေးနှင့် အားကစားဝန်ကြီးဌာနက ညွှန်ကြားချက် ထပ်မံမထုတ်ပြန်မီကာလအတွင်း မပြုလုပ်ကြရန် ရွှေတိဂုံစေတီတော် ဂေါပကအဖွဲ့ရုံးမှ ညွှန်ကြားထားကြောင်း သိရှိရသည်။

ရန်ကုန်စီးပွားရေးတက္ကသိုလ်နှင့် ရန်ကုန်တက္ကသိုလ်၌ ယနေ့စတင်ပြုလုပ်မည့် စာမေးပွဲအား COVID-19 ရောဂါကို စိုးရိမ်၍ ဖြေဆိုလိုခြင်းမရှိသည့် ကျောင်းသား၊ ကျောင်းသူများအတွက် အစားထိုးစာမေးပွဲကို ဇွန်လဆန်းတွင် ကျင်းပရန် လျာထားကြောင်း ရန်ကုန်စီးပွားရေးတက္ကသိုလ်နှင့် ရန်ကုန်တက္ကသိုလ်တို့မှ သတင်းထုတ်ပြန်ထားသည်။

ထိုင်းနိုင်ငံသို့ သွားရောက်အလုပ်လုပ်ကိုင်လျက်ရှိသည့် မြန်မာရွှေ့ပြောင်းအလုပ်သမားများအများစု သင်္ကြန်ကာလနှင့် ယခုကာလများအတွင်း ပြည်တွင်းသို့ ပြန်လည်ဝင်ရောက်မှု မရှိသလောက် နည်းပါးသွားနိုင်ကြောင်း ထိုင်းနိုင်ငံရောက် မြန်မာလူမျိုးများထံမှ သိရသည်။

ကမ္ဘာ့ကပ်ရောဂါဖြစ်သည့် ကိုဗစ် -၁၉ အဆုတ်ရောင်ရောဂါ ကူးစက်ပြန့်ပွားမှုအား ကြိုတင်တားဆီးရန်နှင့် မြန်မာနိုင်ငံ ပညာရေးဝန်ကြီးဌာန၏ ထုတ်ပြန်ကြေညာချက်များကြောင့် ဗြိတိသျှကောင်စီရုံးများကို မတ် ၁၉ ရက်တွင် စတင်၍ ယာယီပတ်ထားမည်ဖြစ်သော်လည်း အွန်လိုင်းအခမဲ့ အင်္ဂလိပ်စာသင်တန်းများနှင့် ဒီဂျစ်တယ်စာကြည့်တိုက် ဝန်ဆောင်မှုများကို အွန်လိုင်းမှတစ်ဆင့် ဆက်လက်ရယူနိုင်ကြောင်း ယနေ့ရက်စွဲဖြင့် သတင်းထုတ်ပြန်ထားသည်။