မကွေးတိုင်းဒေသကြီး ရေနံချောင်းမြို့နယ် ရုံးဆိပ်ကျွန်းကျေးရွာ၏ အနောက်ဘက်တွင် ဧရာဝတီမြစ်ရေ တိုက်စားမှုကြောင့် ကမ်းပါးပြိုကျကာ စိုက်ပျိုးမှုမပြုလုပ်ရသေးသည့် စိုက်ပျိုးမြေ ၂၅ ဧကခန့် ပျက်စီး သွားခဲ့ကြောင်း ဩဂုတ် ၁၈ ရက်က မြို့နယ်အထွေထွေအုပ်ချုပ်ရေးဦးစီးဌာနမှ သိရသည်။

မန္တလေးမြို့၊ မရမ်းခြံဆိပ်ကမ်းမှတစ်ဆင့် ကျေးရွာပေါင်း(၁၀၀)ကျော်မှ ဒေသထွက်ကုန်သီးနှံများအား သယ်ယူပို့ဆောင်ရန် ရေယာဉ်အစင်းရေ (၂၀)ခန့်ဖြင့် နေ့စဉ်ပုံမှန်ပြေးဆွဲပေးလျက်ရှိကြောင်း မရမ်းခြံ ဆိပ်ကမ်းရှိ လိုင်းတို-လိုင်းရှည် ရေယာဉ်ကြီးကြပ်ရေးအသင်းမှ သိရသည်။

မိတ္ထီလာမြို့နယ်၌ Cash For Work အစီအစဉ်ဖြင့် ချောင်းကောက်ဆည်ရေသောက်စနစ်မှာရှှိသော လယ်ကြားမြောင်းများကို ရေအသုံးချသူများက ပြန်လည်တူးဖော်ပြုပြင်ခြင်း လုပ်ငန်းများကို   ကွက်ငယ် ကျေးရွာ  ကွင်းအမှတ် ၁၀၈၄၊ ၁၀၈၅ ရှိ ရေပေးမြောင်းများတွင် ဆောင်ရွက်ခဲ့ကြောင်း သိရသည်။

စစ်ကိုင်းတိုင်းဒေသကြီး၊ ကသာခရိုင်၊ စားသုံးသူရေးရာဦးစီးဌာနမှ ဦးဆောင်၍ မြို့နယ်ဌာနဆိုင်ရာ အဖွဲ့အစည်းများ ပူးပေါင်းကာ ယမန်နေ့ နံနက် ၉ နာရီက ဝန်းသိုမြို့နယ် မြို့မစည်ပင်သာယာဈေး ရှိကုန်စုံဆိုင်များတွင် တားမြစ် ကုန်ပစ္စည်းများ ရောင်းချမှုရှိ/မရှိနှင့် ကုန်စည်များတွင် ကုန်အညွှန်းအမှတ်အသား ထည့်သွင်းလိုက်နာမှု ရှိ/မရှိတို့ကို ကွင်းဆင်းစစ်ဆေးခဲ့ကြောင်း သိရသည်။

ရှမ်းပြည်နယ်(တောင်ပိုင်း)၊လွိုင်လင်ခရိုင်၊ မိုင်းရှူးမြို့နယ်တွင် ကိုဗစ်-၁၉ ရောဂါ ဖြစ်ပွားစဉ်ကာလအတွင်း ပုံမှန်ဝင်ငွေမရှိသော အခြေခံလူတန်းစားများ စားဝတ်နေရေး အဆင်ပြေစေရေးအတွက် နိုင်ငံတော်အစိုးရက ထောက်ပံ့ပေးသည့် ဒုတိယအကြိမ် ထောက်ပံ့ငွေများကို သြဂုတ် ၁၄ ရက်မှ စ၍ ပြည်နယ်လွှတ်တော် ကိုယ်စားလှယ် ဒေါ်နန်းကောင်ခမ်း၊ မြို့နယ်အုပ်ချုပ်ရေးမှူး ဦးစိုးမင်းထွဋ်၊ ဌာနဆိုင်ရာတာဝန်ရှိသူများ၊ ရပ်ကွက်/ကျေးရွာအုပ်စု အုပ်ချုပ်ရေးမှူးနှင့် စာရေးဝန်ထမ်းများ က ရပ်ကွက်/ကျေးရွာအရောက် ထောက်ပံ့ငွေများ လိုက်လံပေးအပ်ခဲ့သည်။

ကိုယ်ဝန်​ဆောင်မိခင်များ ကျန်းမာ​ရေးအထူး​ကောင်းမွန်ရန်၊ ​မွေးဖွားသည့်က​လေးငယ်များ ကျန်းမာသန်စွမ်း​ပြီး ဉာဏ်ရည်​ဖွံ့ဖြိုးစေရန်အတွက် ဧရာဝတီတိုင်း​ဒေသကြီး၊ ကျုံ​ပျော်မြို့နယ်၊ မိခင်နှင့်က​လေးကျန်းမာ​ရေးဌာနတွင် ကိုယ်ဝန်​ဆောင်မိခင်များအတွက် အာဟာရဖွံ့ဖြိုး​ရေး ရက်သတ္တပါတ်လှုပ်ရှားမှုကို