ကိုရိုနာဗိုင်းရပ်စ်ရောဂါ ကြိုတင်ကာကွယ်နိုင်ရေးအတွက် ရန်ကုန်တိုင်းဒေသကြီး၊ မြောက်ဥက္ကလာပမြို့နယ် စည်ပင်သာယာရေးကော်မတီ၊ ရေသန့်ဌာနနှင့် စျေးများဌာနတို့ ပူးပေါင်း၍ (ဈ) ရပ်ကွက်၊ ရတနာသိင်္ဂီစျေး လမ်းဆုံများတွင် လက်ဆေးဘေစင်များကို ယမန်နေ့နံနက်ပိုင်းမှ စတင်ပြီး ဆောင်ရွက်ထားရှိကြောင်း သိရသည်။

မကွေးတိုင်းဒေသကြီး ချောက်မြို့ အမှတ်(၁၀)ရပ်ကွက် လမ်းမတော်ရဲစခန်းလမ်းဆုံ၌ မတ် ၂၁ ရက်မှ စတင်ကာ ဒေသခံပြည်သူများ COVID-19 (ကိုရိုနာဗိုင်းရပ်စ်)ရောဂါ မဖြစ်ခင်က ကြိုတင်ကာကွယ် သိရှိနိုင်ရန် LED P-6 အမျိုးအစား ရုပ်သံထွက်ပြစက်ဖြင့် ပြသအသိပညာပေးသည်။

ရန်ကုန်တိုင်းဒေသကြီး ရန်ကုန်တောင်ပိုင်းခရိုင် ကွမ်းခြံကုန်းမြို့နယ်အတွင်းရှိ အသက်(၈၅)နှစ်နှင့်အထက် သက်ကြီးဘိုးဘွား ၃၉၂ ဦးတို့အတွက် လူမှုရေးပင်စင် ထောက်ပံ့ငွေများကို မြို့နယ်အထွေထွေအုပ်ချုပ်ရေး ဦးစီးဌာနမှတစ်ဆင့် ရပ်ကွက်ကျေးရွာ အုပ်ချုပ်ရေးမှူးများက

စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့၊ မြို့မဈေး၌ COVID-19 ရောဂါ ကြိုတင်ကာကွယ်ရေးအတွက် လက်ဆေးကန်(ဘေစင်)များကို မတ် ၂၁ ရက် မွန်းလွဲ ၃ နာရီက တပ်ဆင်အသုံးပြုနေကြောင်း သိရသည်။

ပခုက္ကူတက္ကသိုလ်တွင် မတ် ၁၈ ရက်မှ ၂၅ ရက်အထိ ဝိဇ္ဇာနှင့် သိပ္ပံဘာသာရပ်ဆိုင်ရာ အားလုံးဖြေဆိုကြရန် တက္ကသိုလ်ပညာရေးအဖွဲ့မှ ထုတ်ပြန်ကြေညာထားရာ ကမ္ဘာ့ကပ်ရောဂါ (COVID-19) ရောဂါကြောင့် ပခုက္ကူတက္ကသိုလ် ကျောင်းသားသမဂ္ဂမှ စာမေးပွဲကာလ ယာယီရွှေ့ဆိုင်းပေးရန် တောင်းဆိုခဲ့ကြသောကြောင့် (COVID-19) ရောဂါကို စိုးရိမ်၍ ဖြေဆိုလိုခြင်း မရှိသည့် ကျောင်းသား/ကျောင်းသူများအနေဖြင့် ဇွန်လပိုင်းတွင် ပြန်လည်ဖြေဆိုခွင့်ပြုရန် ထပ်မံထုတ်ပြန်ထားကြောင်း သိရသည်။

ရှမ်းပြည်နယ်(မြောက်ပိုင်း)၊ မူဆယ်မြို့၊ အဝေးပြေး သိန်းသန်းချီကားကွင်း၌ ယမန်နေ့ နံနက်ပိုင်းက မူဆယ်မြို့မှတစ်ဆင့် မြန်မာပြည်အနှံ့သို့ ထွက်ခွာသွားမည့်ယာဉ်များကို ကိုရိုနာဗိုင်းရပ်စ် ကြိုတင်ကာကွယ်ရေးလုပ်ငန်းများ ပေါင်းစပ်ညှိနှိုင်း ဆောင်ရွက်ကော်မတီ(မူဆယ်)မှ အဖွဲ့ဝင်များ၊ အမှတ်(၁၂၃) ယာဉ်ထိန်းရဲတပ်ဖွဲ့ဝင်များ၊ စေတနာပရဟိတအသင်းဝင်များနှင့် နှလုံးလှပရဟိတအသင်းဝင်များက ဟိုက်ပိုကလိုရိုက် ပိုးသတ်ဆေးရည်ဖျန်းခြင်းများ ဆောင်ရွက်သည်။