စစ်ကိုင်းတိုင်းဒေသကြီး ပင်လည်ဘူးမြို့၌ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ သက်ဆိုင်ရာဌာနအဖွဲ့အစည်းများနှင့် မြို့နယ်စည်ပင်သာယာရေး ကော်မတီတို့ပူးပေါင်း၍ မတ် ၂၁ ရက် နံနက်  ၇ နာရီတွင် လူစုလူဝေးရှိရာ မြို့နယ်စည်ပင်သာယာဈေးအတွင်း၌  ကိုရိုနာဗိုင်းရပ်စ်ရောဂါ ကြိုတင်ကာကွယ်ထိန်းချုပ်ရေး ကျန်းမာရေး အသိပညာပေး လုပ်ငန်းပြုလုပ်ဆောင်ရွက်ခဲ့ကြောင်း သိရသည်။

ချင်းပြည်နယ် မင်းတပ်မြို့ စံပြရပ်ကွက် မင်းတပ်-မတူပီကားလမ်း၌ ယနေ့ နံနက် ၈ နာရီတွင် နယ်လှည့် စာအုပ်ဈေးရောင်းသူများအဖွဲ့မှ တစ်ယောက်နှစ်အုပ်ယူ စတုဒိသာစာအုပ်အလှူ ကျင်းပကြောင်း သိရသည်။

မကွေးတိုင်းဒေသကြီး အောင်လံမြို့တွင် သံဃာတော်များရွတ်ပွားပူဇော်သည့် ဘေးအန္တရာယ်ကင်း ပရိတ်တရားတော်များရွတ်ပွားခြင်းကို မတ် ၂၀ ရက်နေ့ ညနေ ၄ နာရီက အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ပရိတ်တရားတော်များနာယူ၍ လှူဖွယ်ဝတ္ထုများကို ဆက်ကပ်လှူဒါန်းကြသည်။ 

တနင်္သာရီတိုင်းဒေသကြီး၊ ကျွန်းစုမြို့နယ်တွင် ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် ကမ္ဘာဘဏ် နှင့် Techno-Hill Engineering Co,Ltd တို့မှ လျှပ်စစ်မီးမရရှိသေးသော ဝေးလံဒေသရှိလူနေမှု အဆင့်အတန်းမြင့်မားစေရန် ဒေသဖွံ့ဖြိုးရေးဆိုင်ရာ အသေးစားလျှပ်စစ်ဓာတ်အားပေးစနစ် တည်ဆောက်ရေးစီမံကိန်းအတွက် ဒေသခံ များနှင့် တွေ့ဆုံဆွေးနွေးပွဲကို ယမန်နေ့ နေ့လယ် ၁၂ နာရီခွဲအချိန်က ကျွန်းစုမြို့နယ်၊ မအိုင်ကျေးရွာ၊ မစမ်းပါးကျေးရွာ၌ ကျင်းပပြုလုပ်ခဲ့ကြောင်း သိရသည်။

ရှမ်းပြည်နယ် တောင်ကြီးခရိုင် ဖယ်ခုံမြို့နယ် ရီနွဲ့ကျေးရွာအုပ်စုရှိ ကျေးရွာ ၂၀ တွင် ၂၀၁၉-၂၀၂၀ ဘဏ္ဍာနှစ်အတွင်း ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ပြည်ထောင်စုရန်ပုံငွေနှင့် ပြည်နယ်ရန်ပုံငွေ ၈၉၀ ဒသမ ၉၈၂ သန်းဖြင့် သောက်သုံးရေ ဖူလုံစွာရရှိရေးလုပ်ငန်းများ ဆောင်ရွက်လျက်ရှိကြောင်း သိရှိရသည်။

လမ်းမတော်မြို့၌ ကိုရိုနာဗိုင်းရပ်စ်(COVID-19)ရောဂါကူးစက်မှုကာကွယ်နိုင်စေရေးအတွက် မြို့နယ် အုပ်ချုပ်‌ရေးမှူး  ဦးဝဏ္ဏထွန်း ဦးဆောင်၍ ကျန်းမာရေးဝန်ကြီးဌာနမှထုတ်ဝေသော အသိပညာပေး လက်ကမ်းစာစောင်များကို ယနေ့နံနက်ပိုင်းက ဖြန့်ဝေ၍ အသိပညာပေးခဲ့ကြောင်း သိရသည်။