ကရင်ပြည်နယ် လှိုင်းဘွဲမြို့နယ် ရွှေဂွန်းကျေးရွာတွင် အသက်(၈၅)နှစ်အထက် အဘိုး/ဘွားများ၊ ကိုယ်ဝန်ဆောင်မိခင်များနှင့်အသက်(၂)နှစ်အောက် ကလေးငယ်များအား  ၂၀၁၉-၂၀၂၀ ဘဏ္ဍာရေးနှစ် ပထမအကြိမ် ငွေကြေးထောက်ပံ့ပေးခြင်းအခမ်းအနားကို ဇန်နဝါရီ ၂၅ ရက်နေ့က ရွှေဂွန်းကျေးရွာ အထက်ဘုန်းတော်ကြီးကျောင်း၌ ကျင်းပပြုလုပ်သည်။

ရန်ကုန်တိုင်းဒေသကြီး ရန်ကုန်အရှေ့ပိုင်းခရိုင် တာမွေမြို့နယ်ရှိ အမှတ်(၃) အခြေခံပညာ အထက်တန်း ကျောင်း 'ဇွဲ' ခန်းမ၌ ယနေ့နံနက် ၁၀ နာရီက ပညာရေးစုံညီပွဲတော်နှင့် ပညာရည်ချွန်ဆုပေးပွဲ အခမ်းအနားကို ကျင်းပပြုလုပ်ခဲ့သည်။

စစ်ကိုင်းတိုင်းဒေသကြီး၊ ယင်းမာပင်ခရိုင်၊ ပုလဲမြို့၊ စည်ပင်သာယာမြို့မဈေး၌ ဇန်နဝါရီ ၂၅ ရက် နံနက် ၁၁ နာရီခွဲက  မြို့နယ်စီမံခန့်ခွဲမှု ကော်မတီနှင့် မြို့နယ်စည်ပင်သာယာရေး ကော်မတီတို့၏ ကြီးကြပ်မှုဖြင့်  ဈေးဆိုင်ခန်း လျှောက်လွှာတင်ထားသူများအား ဈေးဆိုင်ခန်းသစ်များကို  မဲနှိုက်၍   ပွင့်လင်းမြင်သာစွာ   အခန်းနေရာချထား ရောင်းချပေးခဲ့ကြောင်း သိရသည်။

မကွေးတိုင်းဒေသကြီးအစိုးရအဖွဲ့၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးဝင်းမော်ဌေးသည် ခရိုင်နှင့် မြို့နယ်ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ တာဝန်ရှိသူများလိုက်ပါ၍ ဇန်နဝါရီ ၂၅ ရက်၊ နံနက် ၁၀ နာရီခွဲက ပွင့်ဖြူမြို့နယ်အတွင်း မိုးရာသီကာလ တောင်သူများ သီးနှံစိုက်ပျိုးလယ်မြေများ ရေနစ်မြုပ်မှုအန္တရာယ် ကင်းဝေးစေရန်အတွက် အကောင်အထည်ဖော်ဆောင်ရွက်နေသည့် ရေဆိုးထုတ်မြောင်းများ တူးဖော်ဆောင်ရွက်နေမှု အခြေအနေအား သတ်မှတ်ကာလအတွင်း အချိန်မီပြီးစီးနိုင်ရေး ကွင်းဆင်းကြည့်ရှု စစ်ဆေးခဲ့ကြောင်း သိရသည်။ 

ကချင်ပြည်နယ်အတွင်း အတူတကွ မှီတင်းနေထိုင်ကြသည့် အတူနေဌာနေတိုင်းရင်းသားများ၏ ဒုတိယအကြိမ်မြောက် နှစ်ဦးကောက်သစ်စားပွဲကို ဇန်နဝါရီ ၂၅ ရက် နံနက် ၉ နာရီခွဲက မိုးကောင်းမြို့နယ် နမ္မနကျေးရွာ ဘောလုံးကွင်း၌ကျင်းပရာ ကချင်ပြည်နယ် လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီး ဦးဇော်ဝင်း၊ မိုးညှင်းခရိုင် ဒုတိယခရိုင်အုပ်ချုပ်ရေးမှူး ဦးဝင်းရွှေ၊ ဒေါက်တာမနမ်တူးဂျာ၊ ဦးခက်ထိန်နန်၊ ပြည်နယ်လွှတ်တော်ကိုယ်စားလှယ် ဒေါ်မြသွေးစံ၊ မိုးညှင်းခရိုင်လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေးဦးစီးဌာန ဦးစီးမှူး ဦးကျော်ဌေး? ပွဲတော်ဖြစ်မြောက်ရေးကော်မတီဉက္ကဌ ဦးအောင်မျိုးမြင့်တို့မှ အခမ်းအနားမုခ်ဦးကို ဖဲကြိုးဖြတ်ဖွင့်လှစ်ပေးခဲ့ပြီး သံဃာတော်များမှ မေတ္တာသုတ်ပရိတ်တရားတော်များရွတ်ဘတ်ကာ၊ ခရစ်ယာန်သိက္ခာတော်ရဆရာများမှ ကောင်းချီးမင်္ဂလာဆုကျေးဇူးတောင်းခံ၍ အခမ်းအနားကို ဖွင့်လှစ်သည်။

မွန်ပြည်နယ် ကျိုက်မရောမြို့နယ်တွင် ဒေသခံပြည်သူလူထုများနှင့် ကရင်တိုင်းရင်းသားလူမျိုးရေးရာ ဝန်ကြီး၊ မြို့နယ်အဆင့်ဌာနဆိုင်ရာများ တွေ့ဆုံပွဲကို ယနေ့နံနက် ၁၀ နာရီက ဖနုံကျေးရွာ အလယ်တန်းကျောင်း၌ ကျင်းပပြုလုပ်သည်။  တွေ့ဆုံပွဲတွင် မွန်ပြည်နယ် အစိုးရအဖွဲ့ဝင် ကရင်တိုင်းရင်းသား လူမျိုးရေးရာဝန်ကြီး ဦးစောအောင်မြင့်ခိုင်က အဖွင့်အမှာစကားပြောကြားပြီး ဒုမြို့နယ်အုပ်ချုပ်ရေးမှူး ဦးဖုန်းမြင့်နိုင်က ဒေသခံပြည်သူလူထုများနှင့် တွေ့ဆုံပွဲကျင်းပရခြင်း နှင့်ပတ်သက်၍ ရှင်းလင်းဆွေးနွေးသည်။