မကွေးတိုင်းဒေသကြီး ဝန်ကြီးချုပ် ဒေါက်တာအောင်မိုးညိုသည် ယမန်နေ့ ညနေ ၄ နာရီ အချိန်က မြန်မာ့ရေနံနှင့်သဘာဝလုပ်ငန်း ၊ မန်းရေနံမြေ၏ ၂၀၁၈-၂၀၁၉ ခုနှစ် ဘဏ္ဍာရေးနှစ် ၊ လူမှုတာဝန်သိမှု (Corporate Social Responsibility) အစီအစဉ်ဖြင့် ဆောက်လုပ်သည့် ကြီးပင်ခံ အမှတ်(၁)ကျေးရွာ၊ အခြေခံပညာအလယ်တန်းကျောင်း(ခွဲ)၊ ကျောင်းဆောင်သစ် လွှဲပြောင်း ပေးအပ်ပွဲ  အခမ်းအနား ကျင်းပခဲ့ကြောင်း သိရသည်။

ကျူးကျော်များနေထိုင်ရန်အတွက် ယခုဘဏ္ဍာနှစ်အတွင်း အိမ်ယာနှစ်သောင်းခန့် တည်ဆောက်ပြီးစီးရန် မျှော်မှန်းထားကြောင်း ရန်ကုန်မြို့တော် စည်ပင်သာယာရေးကော်မတီ တွဲဖက်အတွင်းရေးမှူး ဦးသန်းက ပြောသည်။

ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီအနေဖြင့် ယခုဘဏ္ဍာနှစ် တစ်လအတွင်း ပြည်တွင်းပြည်ပ ရင်းနှီးမြှုပ်နှံမှုမှ အမေရိကန်ဒေါ်လာ ၂၆ ဒသမ ၂၆၃ သန်းနှင့် မြန်မာကျပ်ငွေ ၂၀၄၅ သန်း ရရှိထားကြောင်း အဆိုပါကော်မတီထံမှ သိရသည်။