မန္တလေးတိုင်းဒေသကြီး ညောင်ဦးခရိုင် ငါ့သရောက်မြို့သည် ပုန်းရည်ကျိုချက်လုပ်ငန်းအား အဓိကလုပ်ကိုင်ကြပြီး ပုန်းရည်ချိုချက်ရာတွင် အသုံးပြုသည့် ပဲပိစပ်ဈေးနှုန်း မနှစ်ကထက် ထက်ဝက်ခန့်မြင့်တက်လာကြောင်း သိရသည်။

ကချင်ပြည်နယ် မိုးညှင်းမြို့နယ် နမ္မချီကျောက်မျက်ဒေသတွင် ရာသီချိန်လုပ်ငန်းများ ခေတ္တရပ်နားသဖြင့် အလုပ်သမားများနေရပ်သို့ အသီးသီး ပြန်လည်ထွက်ခွာလျက်ရှိကြောင်း သိရသည်။

အမျိုးသားလျှပ်စစ်ဓာတ်အားရရှိရေး စီမံကိန်း၊ ဆိုလာအသေးစား ဓာတ်အားစနစ် မီးလင်းရေးလုပ်ငန်း ဖွင့်ပွဲအခမ်းအနားကို ယနေ့နံနက် ၁၀ နာရီတွင် မကွေးတိုင်းဒေသကြီး၊ ရေနံချောင်းမြို့နယ် အရှေ့ကုန်း ကျေးရွာအုပ်စု၊ စည်ပင်ကျေးရွာ၌ ကျင်းပသည်။

ရန်ကုန်မြောက်ပိုင်းခရိုင်၊ ထန်းတပင်မြို့နယ် မီးသတ်ဦးစီးဌာနမှ မြို့နယ်အတွင်း မီးလောင်မှုမဖြစ်ပွားစေရေး၊ ပြည်သူလူထုမီးဘေးလုံခြုံရေးနှင့် အသိပညာပြန်ပွားရေးတို့ကို ရပ်ကွက်/ ကျေးရွာများအရောက် ကွင်းဆင်းကာဆောင်ရွက်ပေးလျက်ရှိပြီး ယနေ့ နံနက်ပိုင်းက တူးချောင်းကျေးရွာအုပ်စု၊ မြစိမ်းရောင်စက်မှုဇုန်၊ မင်းသားလေးအထည်ချုပ်စက်ရုံရှိ ဝန်ထမ်းများအား မီးဘေးအန္တရာယ် ကြိုတင်ကာကွယ်ရေး အသိပညာပေး ဟောပြောခြင်းနှင့် လက်တွေ့မီးငြိမ်းသတ် နည်းစနစ်များပြသပေးခြင်းကို ဆောင်ရွက်ခဲ့ကြသည်။

ချင်းပြည်နယ်ထန်တလန်မြို့တွင် ဒေသခံပြည်သူများ၏ လူမှုစီးပွားဘဝ ဖွံ့ဖြိုးတိုးတက်ရေးအတွက် ဝဥ၊ ထောပတ်နှင့် အခြားသီးနှံများ စီးပွားဖြစ် စိုက်ပျိုးထုတ်လုပ်ရေးနှင့် ဈေးကွက်ဆိုင်ရာ ဆွေးနွေးပွဲကို ယနေ့ နံနက် ၉ နာရီက ထန်တလန်မြို့ TBC ခန်းမ၌ ကျင်းပပြုလုပ်သည်။