ဖားကန့်၌ ကျောက်စိမ်းတူးဖော်ရန် လက်လုပ်လက်စား လုပ်ကွက်(၃၇၆)ကွက်အား အိတ်ပိတ်တင်ဒါစနစ်ဖြင့် ခွင့်ပြုခဲ့ရာလုပ်ကွက်(၁၄၁)ကွက်သာ လာရောက်လျှောက်ထား
ကချင်ပြည်နယ်၊ ဖားကန့်ဒေသရှိ လုံးခင်း/ဖားကန့် ရတနာနယ်မြေအတွင်း ကျောက်စိမ်းတူးဖော်ရန် လက်လုပ်လက်စား လုပ်ကွက်(အသစ်) လုပ်ကိုင်လိုသူများအတွက် မတ် ၃ ရက်မှ ၁၃ ရက်အထိ မော်ဝမ်းရပ်ကွက်ရှိ စုပေါင်းရုံးအဝင် OSS (One Stop Service)ရုံး၌ လုပ်ကွက်လျှောက်လွှာများအား စိစစ်ရောင်းချပေးခဲ့ရာ ခွင့်ပြုလုပ်ကိုင်ခွင့်ပြုမည့် လုပ်ကွက် (၃၇၆)ကွက်အနက် လျှောက်လွှာပေါင်း (၃၃၂)စောင် ရောင်းချခဲ့ရသော်လည်း လျှောက်လွှာတင်သူ (၁၄၁)ဦးသာရှိခဲ့ကြောင်း သိရသည်။
